Foto: ashyq derekkóz
Aqtóbe oblysynda aýa raiynyń kúrt nasharlaýyna, boran soǵyp, joldyń kóriný deńgeiiniń tómendeýine bailanysty birqatar respýblikalyq jáne oblystyq mańyzy bar avtojoldarda kólik qozǵalysyna shekteý engizildi, dep habarlaidy Ult.kz.
Qazirgi ýaqytta politsiia qyzmetkerleri, Tótenshe jaǵdailar departamentiniń qutqarýshylary jáne jergilikti atqarýshy organ mamandary kúsheitilgen rejimde jumys istep jatyr. Patrýldik ekipajdar júrgizýshilerdi qaýipsiz aimaqtarǵa deiin alyp júrip, jolda qalyp qoiǵan azamattardy evakýatsiialaýda.
Sondai-aq jolda qalǵan adamdar arnaiy uiymdastyrylǵan jylytý pýnktterine jetkizilip, qajetti kómek kórsetilýde.
Quzyrly organdar júrgizýshilerge eskertý jasady: jol qozǵalysyna shekteý qoiylǵan jaǵdaida ainalma joldarmen júrýge áreket jasamaý qajet. Mamandar azamattardy óz qaýipsizdigin saqtaýǵa jáne aýa raiy turaqtalǵansha alys saparǵa shyqpaýǵa shaqyrady.
