Foto: ashyq derekkóz
Aqtóbe oblysynyń Oiyl aýdanynda 9-synyp oqýshysy ana atandy. Eń qorqynyshtysy – jábir kórsetken kúdikti retinde onyń ógei atasy tanylyp otyr. 64 jastaǵy zeinetker qamaýǵa alynyp, ústinen tergeý júrgizilýde, dep habarlaidy Ult.kz Informburo 31 jańalyqtar baǵdarlamasyna silteme jasap.
14 jastaǵy qyz ata-anasy ajyrasyp ketkennen keiin anasymen birge turǵan. Onyń júktiligi bosanǵanǵa deiin eshkimge bilinbegen. Oblystyq bilim basqarmasynyń aitýynsha, oqýshy jyl ishinde úsh ret meditsinalyq tekserýden ótkenimen, erte júktilik belgileri anyqtalmaǵan.
Qazir jas ana sábiimen birge perzenthanada, oǵan psihologtar kómek kórsetip jatyr. Densaýlyǵy túzelgen soń oqýshy oqýyn jalǵastyratyn bolady.
Politsiia kúdiktiniń jábirlenýshiniń naǵashy ájesimen zańdy nekede bolǵanyn rastady. Sot-meditsinalyq saraptama taǵaiyndalyp, istiń mán-jaiy anyqtalyp jatyr.
Nurgúl Bertileýova, Aqtóbe oblystyq bilim basqarmasy basshysynyń orynbasary:
«Bul qyz bala osy ýaqytqa deiin úsh ret meditsinalyq tekserýden ótken. Mamyr aiynda skrining, jazǵy lager aldynda profilaktikalyq tekserý jáne densaýlyǵyna bailanysty qaraý kezinde de júktilik baiqalmaǵan».
