18-19 kúnderi QMDB tóraǵasy Naýryzbai qajy Taǵanuly Aqtóbe oblysyna is-saparmen keldi, dep habarlaidy Aqtóbe oblystyq ortalyq «Nur Ǵasyr» meshitiniń baspasóz qyzmeti.
Alǵashqy kúnniń sapary oblys ákimi Ońdasyn Orazalinmen kezdesýden bastaldy. Odan keiin Bas múfti «Ihsan – rýhani tárbie negizi» jáne «Tolyq adam» kitabynyń tanytymyna qatysyp, óńirdegi ziialy qaýym ókilderimen suhbattasty.
Naýryzbai qajy Taǵanuly «Ás-Sálam» jeke qaiyrymdylyq mekemesiniń (medrese) ashylý rásiminde Dini basqarma bastamasyn qoldap, Qaiyrymdylyq mekemesin salýǵa demeýshi bolǵan azamattarǵa airyqsha alǵysyn bildirdi.
Besin namazynan keiin QR Ishki ister ministrligi Qylmystyq atqarý-júiesi komitetiniń «KA-168/1 mekemesinde» «Jýsan» operatsiiasy arqyly elge oralǵan jáne terrorizm baby boiynsha jazasyn óteýshilermen jalpy jáne jeke kezdesýler ótkizip, nasihat aityp, túsindirme jumystaryn júrgizdi.
Bas múfti jazasyn óteýshilermen kezdeskennen keiin «Aqtobe» telearnasyndaǵy «Sáti túsken suhbat» baǵdarlamasynda qonaq boldy.
Birinshi kúnniń is-sapary oblystyq ortalyq «Nur Ǵasyr» meshitinde qala jáne aýdan imamdarymen kezdesip, dáris ótýmen qortyndylandy.
Ekinshi kúni óńirge kelgen Bas múfti Naýryzbai qajy Taǵanuly «Igi ister» qaiyrymdylyq marafonyna qatysyp, «Aiala» ońaltý ortalyǵyndaǵy balalarmen júzdesti. Sondai-aq «MUNARA TV» telearnasynyń osy óńirdegi filialynyń ashylý rásimine qatysty.
QMDB tóraǵasy oblystyq ortalyq «Nur Ǵasyr» meshitinde «Zeket jáne qaiyrymdylyq» qorynyń «El úlesi – páterge» atty qaiyrymdylyq aktsiiasy aiasynda respýblika boiynsha 531, 532-shi Aqtóbe óńiri boiynsha 23, 24-shi baspana kiltin kópbalaly, jalǵyzbasty (4 qyz, 3 ul, iaǵni 7 balanyń) ana men múmkindigi shekteýli sanattaǵy ana, Aqtóbe oblysy, Muǵaljar aýdany, Embi qalasynyń turǵyndaryna tabystady.
Odan keiin atalǵan meshitte juma ýaǵyzyn aityp, juma namazyn júrgizdi.
Bas múfti Aqtóbe oblysyna barǵan saparynda «Aqtóbe» medrese-kolledj shákirtterine dáris oqyp, qalada salynyp jatqan jańa dini oqý ordasynyń qurylysymen tanysty. Sonymen qatar «Islam – yntymaq pen birlik» jyly aiasynda ótken oblystyq qazaq kúresinen eresekter arasynda ashyq týrnirdiń jeńimpazdaryn marapattady.
QMDB tóraǵasy Naýryzbai qajy Taǵanuly Aqtóbe oblysyna jasaǵan sapary Temir aýdany, Shubarqudyq kentindegi Dosjan ishan Qashaqulynyń kesenesine ziiarat etip, baba rýhyna qasietti Quran aiattaryn baǵyshtaýmen qortyndylandy.
