18-19 كٷندەرٸ قمدب تٶراعاسى ناۋرىزباي قاجى تاعانۇلى اقتٶبە وبلىسىنا ٸس-ساپارمەن كەلدٸ, دەپ حابارلايدى اقتٶبە وبلىستىق ورتالىق «نۇر عاسىر» مەشٸتٸنٸڭ باسپاسٶز قىزمەتٸ.
العاشقى كٷننٸڭ ساپارى وبلىس ەكٸمٸ وڭداسىن ورازالينمەن كەزدەسۋدەن باستالدى. ودان كەيٸن باس مٷفتي «يحسان – رۋحاني تەربيە نەگٸزٸ» جەنە «تولىق ادام» كٸتابىنىڭ تانىتىمىنا قاتىسىپ, ٶڭٸردەگٸ زييالى قاۋىم ٶكٸلدەرٸمەن سۇحباتتاستى.
ناۋرىزباي قاجى تاعانۇلى «ەس-سەلام» جەكە قايىرىمدىلىق مەكەمەسٸنٸڭ (مەدرەسە) اشىلۋ رەسٸمٸندە دٸني باسقارما باستاماسىن قولداپ, قايىرىمدىلىق مەكەمەسٸن سالۋعا دەمەۋشٸ بولعان ازاماتتارعا ايرىقشا العىسىن بٸلدٸردٸ.
بەسٸن نامازىنان كەيٸن قر ٸشكٸ ٸستەر مينيسترلٸگٸ قىلمىستىق اتقارۋ-جٷيەسٸ كوميتەتٸنٸڭ «كا-168/1 مەكەمەسٸندە» «جۋسان» وپەراتسيياسى ارقىلى ەلگە ورالعان جەنە تەرروريزم بابى بويىنشا جازاسىن ٶتەۋشٸلەرمەن جالپى جەنە جەكە كەزدەسۋلەر ٶتكٸزٸپ, ناسيحات ايتىپ, تٷسٸندٸرمە جۇمىستارىن جٷرگٸزدٸ.
باس مٷفتي جازاسىن ٶتەۋشٸلەرمەن كەزدەسكەننەن كەيٸن «Aqtobe» تەلەارناسىنداعى «سەتٸ تٷسكەن سۇحبات» باعدارلاماسىندا قوناق بولدى.
بٸرٸنشٸ كٷننٸڭ ٸس-ساپارى وبلىستىق ورتالىق «نۇر عاسىر» مەشٸتٸندە قالا جەنە اۋدان يمامدارىمەن كەزدەسٸپ, دەرٸس ٶتۋمەن قورتىندىلاندى.
ەكٸنشٸ كٷنٸ ٶڭٸرگە كەلگەن باس مٷفتي ناۋرىزباي قاجى تاعانۇلى «يگٸ ٸستەر» قايىرىمدىلىق مارافونىنا قاتىسىپ, «ايالا» وڭالتۋ ورتالىعىنداعى بالالارمەن جٷزدەستٸ. سونداي-اق «MUNARA TV» تەلەارناسىنىڭ وسى ٶڭٸردەگٸ فيليالىنىڭ اشىلۋ رەسٸمٸنە قاتىستى.
قمدب تٶراعاسى وبلىستىق ورتالىق «نۇر عاسىر» مەشٸتٸندە «زەكەت جەنە قايىرىمدىلىق» قورىنىڭ «ەل ٷلەسٸ – پەتەرگە» اتتى قايىرىمدىلىق اكتسيياسى اياسىندا رەسپۋبليكا بويىنشا 531, 532-شٸ اقتٶبە ٶڭٸرٸ بويىنشا 23, 24-شٸ باسپانا كٸلتٸن كٶپبالالى, جالعىزباستى (4 قىز, 3 ۇل, ياعني 7 بالانىڭ) انا مەن مٷمكٸندٸگٸ شەكتەۋلٸ ساناتتاعى انا, اقتٶبە وبلىسى, مۇعالجار اۋدانى, ەمبٸ قالاسىنىڭ تۇرعىندارىنا تابىستادى.
ودان كەيٸن اتالعان مەشٸتتە جۇما ۋاعىزىن ايتىپ, جۇما نامازىن جٷرگٸزدٸ.
باس مٷفتي اقتٶبە وبلىسىنا بارعان ساپارىندا «اقتٶبە» مەدرەسە-كوللەدج شەكٸرتتەرٸنە دەرٸس وقىپ, قالادا سالىنىپ جاتقان جاڭا دٸني وقۋ ورداسىنىڭ قۇرىلىسىمەن تانىستى. سونىمەن قاتار «يسلام – ىنتىماق پەن بٸرلٸك» جىلى اياسىندا ٶتكەن وبلىستىق قازاق كٷرەسٸنەن ەرەسەكتەر اراسىندا اشىق تۋرنيردٸڭ جەڭٸمپازدارىن ماراپاتتادى.
قمدب تٶراعاسى ناۋرىزباي قاجى تاعانۇلى اقتٶبە وبلىسىنا جاساعان ساپارى تەمٸر اۋدانى, شۇبارقۇدىق كەنتٸندەگٸ دوسجان يشان قاشاقۇلىنىڭ كەسەنەسٸنە زييارات ەتٸپ, بابا رۋحىنا قاسيەتتٸ قۇران اياتتارىن باعىشتاۋمەن قورتىندىلاندى.
