Búgin Aqtóbe oblysy koronavirýs boiynsha ahýaldy baǵalaý matritsasynda «qyzyl» aimaqtan «sary» aimaqqa ótti, dep habarlaidy "Ult aqparat".
Ótken bir táýlikte óńirde 50 jaǵdai tirkeldi. COVID-19-ǵa shaldyqqandardyń 39-y infektsiialyq statsionarlarǵa jatqyzyldy. Aqtóbe qalasynda – 23 naýqas bolsa, Alǵa, Qobda, Muǵaljar men Temir aýdandarynda da jótelip, dene qyzýy kóterilgender bar.
«Táýlik ishinde bir oqýshy men bir balabaqsha tárbielenýshisinen koronavirýs infektsiiasy anyqtaldy. Qazir oblys boiynsha 3700-den astam adam úi karantininde. Olar eki apta boiy dáriger baqylaýynda bolady. Aýrýshańdyq kórsetkishi boiynsha oblys jeksenbi kúni «qyzyl» aimaqqa ótip, búgin taǵy «sary» aimaqtamyz. Qazirgi kezde oblysta ǵana emes, elimize epidahýal sát saiyn ózgerip tur. Degenmen Aqtóbede jańa qaýly shyǵarýǵa esh negiz joq. Balalar dástúrli formatta oqýyn jalǵastyrady», - dedi oblystyq sanitariialyq-epidemiologiialyq baqylaý departamenti basshysynyń orynbasary Muhtar Serbaev.
Qazirgi kezde oblystaǵy infektsiialyq statsionarlarda 552 adam em alyp jatyr.
«Jansaqtaý bóliminde 51 naýqas em qabyldaýda. Onyń jeteýi ókpeni jasandy jeldetý apparatyna qosylǵan. Qazirgi kezde barlyǵy 56 bala baqylaýda. Onyń jeteýi statsionarlyq emde. Al aiaǵy aýyr 47 kelinshektiń 27-i dárigerler baqylaýyna alynyp, statsionarǵa jatqyzyldy», - dedi oblystyq Densaýlyq saqtaý basqarmasy basshysynyń orynbasary Bekbolat Izbasarov.
