بٷگٸن اقتٶبە وبلىسى كوروناۆيرۋس بويىنشا احۋالدى باعالاۋ ماتريتساسىندا «قىزىل» ايماقتان «سارى» ايماققا ٶتتٸ, دەپ حابارلايدى "ۇلت اقپارات".
ٶتكەن بٸر تەۋلٸكتە ٶڭٸردە 50 جاعداي تٸركەلدٸ. COVID-19-عا شالدىققانداردىڭ 39-ى ينفەكتسييالىق ستاتسيونارلارعا جاتقىزىلدى. اقتٶبە قالاسىندا – 23 ناۋقاس بولسا, العا, قوبدا, مۇعالجار مەن تەمٸر اۋداندارىندا دا جٶتەلٸپ, دەنە قىزۋى كٶتەرٸلگەندەر بار.
«تەۋلٸك ٸشٸندە بٸر وقۋشى مەن بٸر بالاباقشا تەربيەلەنۋشٸسٸنەن كوروناۆيرۋس ينفەكتسيياسى انىقتالدى. قازٸر وبلىس بويىنشا 3700-دەن استام ادام ٷي كارانتينٸندە. ولار ەكٸ اپتا بويى دەرٸگەر باقىلاۋىندا بولادى. اۋرۋشاڭدىق كٶرسەتكٸشٸ بويىنشا وبلىس جەكسەنبٸ كٷنٸ «قىزىل» ايماققا ٶتٸپ, بٷگٸن تاعى «سارى» ايماقتامىز. قازٸرگٸ كەزدە وبلىستا عانا ەمەس, ەلٸمٸزە ەپيداحۋال سەت سايىن ٶزگەرٸپ تۇر. دەگەنمەن اقتٶبەدە جاڭا قاۋلى شىعارۋعا ەش نەگٸز جوق. بالالار دەستٷرلٸ فورماتتا وقۋىن جالعاستىرادى», - دەدٸ وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى مۇحتار سەرباەۆ.
قازٸرگٸ كەزدە وبلىستاعى ينفەكتسييالىق ستاتسيونارلاردا 552 ادام ەم الىپ جاتىر.
«جانساقتاۋ بٶلٸمٸندە 51 ناۋقاس ەم قابىلداۋدا. ونىڭ جەتەۋٸ ٶكپەنٸ جاساندى جەلدەتۋ اپپاراتىنا قوسىلعان. قازٸرگٸ كەزدە بارلىعى 56 بالا باقىلاۋدا. ونىڭ جەتەۋٸ ستاتسيونارلىق ەمدە. ال اياعى اۋىر 47 كەلٸنشەكتٸڭ 27-ٸ دەرٸگەرلەر باقىلاۋىنا الىنىپ, ستاتسيونارعا جاتقىزىلدى», - دەدٸ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى بەكبولات ٸزباساروۆ.
