Aqtóbe oblystyq mamandandyrylǵan kúzet qyzmetiniń inspektory Baibek Qarymsaqov jumys ýaqytynda óz-ózine qol jumsady. Ol qyzmettik tapanshasymen basynan atqan, dep habarlaidy QazAqparat tilshisi.
Aqtóbe qalalyq əkimdigindegi oqiǵa keshe keshkisin tirkeldi. Jumys ýaqytynda kúzet qyzmetkeri tapanshasymen ózin basynan atqan. 35 jastaǵy qyzmetker oqiǵa ornynda qaza boldy.
«Baibek Qarymsaqov 7 jyldan beri kúzette jumys isteidi. Onyń eki balasy bar, əieli úshinshisine júkti. Kishi leitenant Yrǵyz aýdanynyń týmasy», - dedi Aqtóbe oblystyq mamandandyrylǵan kúzet basqarmasynyń orynbasary Rýslan Mahanov.
Aita keteiik, osy oqiǵaǵa bailanysty qylmystyq is qozǵaldy. Tergeý júrip jatyr. Kúzet qyzmetkeri PM-9mm qarýyn qoldanǵan.
