Akter Azamat Satybaldy Muqaǵali Maqataevtyń rólin somdaý úshin 14 keli salmaq qosqan. Óner iesi bul jaily "Túngi stýdiia" baǵdarlamasynda aityp berdi, dep jazady KAZ.NUR.KZ.
Azamat Satybaldy atalmysh róli úshin arnaiy ýkolmen 96 kelige deiin salmaǵyn arttyrady.
"82 keliden 96-ǵa jettim. Ózimdi óte aýyr sezindim. Men salmaqty tabiǵi jolmen qospadym. Óitkeni 1-1,5 aida salmaq jinaý kerek boldy. Kindikke salatyn ýkol bar. Sol arqyly bir aidyń ishinde 14 keli qostym.
Endi óte qiyn. Tańerteń oianǵanda saýsaqtaryń, aiaqtaryń isip ketedi. Aýyr qimyldaisyń. Óitkeni aǵzańnan sý shyǵarmaidy. Jáne bul zatty aǵzadan shyǵarý da qiyn. Bir jyl boldy sol salmaqqa qaita orala almai jatyrmyn. Qazir dietadamyn, durys tamaqtanamyn, júgiremin. Qazir 85 kelimin. Áli eki keli tastaýym kerek", - dedi akter.
Azamat Satybaldy Muqaǵali róliniń kezekti seriiasy úshin on kún ishinde qaita on keli salmaq tastaýy kerek bolǵan.
"Men endi oilaimyn, ózińe qiianat jasaisyń. Biraq bul ról úshin. Mynadai aryq kúide Muqaǵalidy oinaý óte qiyn. Birinshi, ekinshi, úshinshi seriiasy Muqańdy osylai oinasam, tórtinshi seriiasynda Muqańnyń aýrýhanadaǵy sátin somdaý kerek boldy.
Sol úshin men on kún demalys alyp, aryqtaýym kerek boldy. Qaitadan taza sý iship, on keli salmaq tastadym", - dedi akter.
