Aqtaýda «Brakoner» jedel-profilaktikalyq is-sharasy aiasynda qala turǵynynyń kóliginen zańsyz aýlanǵan 65 keli bekire balyǵy tárkilendi, dep habarlaidy "Ult aqparat oblystyń politsiia departamentiniń baspasóz qyzmetine silteme jasap.
Tabiǵatty qorǵaý politsiiasynyń qyzmetkerleri «Lada 2113» avtokóliginiń salonynan bekire tuqymdas balyq salynǵan tórt qap tapty, olardyń jalpy salmaǵy 65 keli. Sirek kezdesetin jáne quryp ketý qaýpi tóngen, sondai -aq paidalanýǵa tyiym salynǵan ósimdikter men janýarlar túrlerin zańsyz paidalaný faktisi boiynsha Aqtaý qalalyq politsiia basqarmasy sotqa deiingi tergeý júrgizýde», - delingen baspasóz habarlamasynda.
