Foto: lada.kz
Aqtaý týmasy balasymen qujattary bolmaǵan soń Kievten shyǵa almai otyr. Sebebi ýkrainalyq tarap úsh jyl boiy balanyń týý týraly kýáligin berýden bas tartqan. Qazaqstannyń Ýkrainadaǵy elshiligi jaǵdaiǵa qatysty pikir bildirdi, - dep habarlaidy Tengrinews.kz tilshisi Lada.kz saityna silteme jasap.
Kievte balasymen turyp jatqan áieldiń anasy Tatiana Jejeldiń aitýynsha, qyzy Aqtaýǵa shyǵa almaidy. Sebebi tórt jasar balasynyń týý týraly kýáligi joq, tek perzenthanadan anyqtama bar.
"Ýkraina tarapy bala dúniege kelgen sátten bastap týý týraly kýálik berýden bas tartty, óitkeni balanyń ákesimen neke tirkelmegen. Bizdiń konsýldyq balanyń týǵan jeri boiynsha AHAJ-ǵa barsyn dedi, al olar konsýldyqqa jiberiledi. Úsh jyl boldy. Pandemiia kezinde qyzymnyń qazaqstandyq sheteldik tólqujatynyń qoldaný merzimi aiaqtaldy, konsýldyq ony uzartpaidy. Qyzyma balasyn tastap, Qazaqstanǵa baryp, jańa tólqujat alyp, qaitýdy usyndy. Qandai ana balasyn tastap ketedi? Qazir áskeri is-qimyldar bolyp jatsa da, oǵan kómektesýden bas tartyldy", - dedi áiel.
