فوتو: lada.kz
اقتاۋ تۋماسى بالاسىمەن قۇجاتتارى بولماعان سوڭ كيەۆتەن شىعا الماي وتىر. سەبەبٸ ۋكراينالىق تاراپ ٷش جىل بويى بالانىڭ تۋۋ تۋرالى كۋەلٸگٸن بەرۋدەن باس تارتقان. قازاقستاننىڭ ۋكرايناداعى ەلشٸلٸگٸ جاعدايعا قاتىستى پٸكٸر بٸلدٸردٸ, - دەپ حابارلايدى Tengrinews.kz تٸلشٸسٸ Lada.kz سايتىنا سٸلتەمە جاساپ.
كيەۆتە بالاسىمەن تۇرىپ جاتقان ەيەلدٸڭ اناسى تاتيانا جەجەلدٸڭ ايتۋىنشا, قىزى اقتاۋعا شىعا المايدى. سەبەبٸ تٶرت جاسار بالاسىنىڭ تۋۋ تۋرالى كۋەلٸگٸ جوق, تەك پەرزەنتحانادان انىقتاما بار.
"ۋكراينا تاراپى بالا دٷنيەگە كەلگەن سەتتەن باستاپ تۋۋ تۋرالى كۋەلٸك بەرۋدەن باس تارتتى, ٶيتكەنٸ بالانىڭ ەكەسٸمەن نەكە تٸركەلمەگەن. بٸزدٸڭ كونسۋلدىق بالانىڭ تۋعان جەرٸ بويىنشا احاج-عا بارسىن دەدٸ, ال ولار كونسۋلدىققا جٸبەرٸلەدٸ. ٷش جىل بولدى. پاندەمييا كەزٸندە قىزىمنىڭ قازاقستاندىق شەتەلدٸك تٶلقۇجاتىنىڭ قولدانۋ مەرزٸمٸ اياقتالدى, كونسۋلدىق ونى ۇزارتپايدى. قىزىما بالاسىن تاستاپ, قازاقستانعا بارىپ, جاڭا تٶلقۇجات الىپ, قايتۋدى ۇسىندى. قانداي انا بالاسىن تاستاپ كەتەدٸ? قازٸر ەسكەري ٸس-قيمىلدار بولىپ جاتسا دا, وعان كٶمەكتەسۋدەن باس تارتىلدى", - دەدٸ ەيەل.
