Mańǵastaý oblysynyń ákimi A.S.Aidarbaevqa
Oblystyq máslixattyń xatshysy B.Q.Júsipovke
jáne El azamattarynyń nazaryna
Usynys xat
Qurmetti myrzalar!!!
Alla kópsinbesin, xalqymyzdyń sany jyl ótken saiyn kóbeiip keledi. Mysaly 2004 jyly Mańǵystaýda 350 myń adam bolsa, qazir 700 myńǵa jaqyndap qaldy. Qala da, aýyldar da úlkeiip keledi. Aqtaý qalasynyń mańaiynda úi salatyn bos jer qalǵan joq. Aýyl xalqy bólek shyqqan jas otaýyn qalaǵa nemese qalaǵa jaqyn jerdegi aýyldardan jer alyp úi salǵysy keledi. Biraq, qazir Aqtaý qalasyna jaqyn Aqshuqyr, Saiyn, Munaily aýdanynyń aýyldarynda kóship kelip úi salatyn jer joq. Eń arzan degen jeriń 1 million teńgeden bastalady. Qazir úi salatyn jer kezeginde 100 myńnan asa adamnyń aryzy tur. Mysaly: men qala mańynan úi salý úshin jer kezgegine tursam, meniń jer kezegim kelgenshe, kór kezegimde kelip qalýy múmkin. Sondyqtan bul másele jaqyn arada sheshilmeidi.
Qazir Elbasymyz "Nurly jer" baǵdarlamasyn júzege asyrýǵa barlyq ákimderge tapsyrma berdi. "Ózim eshkimniń kómeginsiz, jer bolsa úi salyp alar edim degen azamattarǵa jer berý kerek" dep tapsyrma berdi. Óte durys sheshim! Biraq, qazir jer suraǵan azamattarǵa Aqtaý mańynan beretin jer joq. Aqshuqyr, Saiyn aýyldary toldy, qazir uzaryp ketip barady. Endi 20 jylda qalai bolady ol jaǵy belgisiz?!
Meniń osy oraida bul túiindi sheshetin usynysym bar.
Ol - jańadan bos jatqan jaqsy jerden qala tiptes aýyl salý. Ondai jer Saiyn aýyly men Qyzylózen aýylynyń arasynan, teńizdiń jaǵasynan jańa qala úlgisindegi aýyl salý kerek.
Bul aýyl teńiz jaǵalaýyndaǵy týristerge qyzmet kórsetetin oryn bolsa, jumys máselesin sheshýge bolady. Bul jer teńizdiń jaǵasy, aýasy taza, Mańǵystaý stantsiiasynan Fort Shevchenko qalasyna, bolashaqta temir jol da tartylýy múmkin.
Bul jerge birinshi sý, gaz, tok, jol, mektep, bala baqsha taǵy da basqa xalyqqa eń qajetti dúnielerdi salsa. Sodan soń xalyqqa jerdi tegin berse jaqsy bolady. Endi 10-15 jyldyń arasynda bul jer úlken aýylǵa ainalady. Al, 10 jyl degen qazir-aq óte shyǵady. Sondai aýyldy Aqtaýmen Quryqtyń arasynan da, salýǵa bolady. El bolǵannan keiin, xalyqtyń ósý bolashaǵy bolǵannan soń, tek qazirgini ǵana emes, eldiń erteńgi taǵdyryna da, alańdaǵan durys. Usynys bizden, jaýap sizderden bolsyn mártebeli myrzalar!
Qurmetpen: Jánibek Qojyq
Ult portaly
