اقتاۋداعى جەر مەسەلەسٸ: ەكٸم نازارىنا ۇسىنىس حات

قۇرمەتتٸ مىرزالار!!!

اللا كٶپسٸنبەسٸن, xالقىمىزدىڭ سانى جىل ٶتكەن سايىن كٶبەيٸپ كەلەدٸ. مىسالى 2004 جىلى ماڭعىستاۋدا 350 مىڭ ادام بولسا, قازٸر 700 مىڭعا جاقىنداپ قالدى. قالا دا, اۋىلدار دا ٷلكەيٸپ كەلەدٸ. اقتاۋ قالاسىنىڭ ماڭايىندا ٷي سالاتىن بوس جەر قالعان جوق. اۋىل xالقى بٶلەك شىققان جاس وتاۋىن قالاعا نەمەسە قالاعا جاقىن جەردەگٸ اۋىلداردان جەر الىپ ٷي سالعىسى كەلەدٸ. بٸراق, قازٸر اقتاۋ قالاسىنا جاقىن اقشۇقىر, سايىن, مۇنايلى اۋدانىنىڭ اۋىلدارىندا كٶشٸپ كەلٸپ ٷي سالاتىن جەر جوق. ەڭ ارزان دەگەن جەرٸڭ 1 ميلليون تەڭگەدەن باستالادى. قازٸر ٷي سالاتىن جەر كەزەگٸندە 100 مىڭنان اسا ادامنىڭ ارىزى تۇر. مىسالى: مەن قالا ماڭىنان ٷي سالۋ ٷشٸن جەر كەزگەگٸنە تۇرسام, مەنٸڭ جەر كەزەگٸم كەلگەنشە, كٶر كەزەگٸمدە كەلٸپ قالۋى مٷمكٸن. سوندىقتان بۇل مەسەلە جاقىن ارادا شەشٸلمەيدٸ. 

قازٸر ەلباسىمىز "نۇرلى جەر" باعدارلاماسىن جٷزەگە اسىرۋعا بارلىق ەكٸمدەرگە تاپسىرما بەردٸ. "ٶزٸم ەشكٸمنٸڭ كٶمەگٸنسٸز, جەر بولسا ٷي سالىپ الار ەدٸم دەگەن ازاماتتارعا جەر بەرۋ كەرەك" دەپ تاپسىرما بەردٸ. ٶتە دۇرىس شەشٸم! بٸراق, قازٸر جەر سۇراعان ازاماتتارعا اقتاۋ ماڭىنان بەرەتٸن جەر جوق. اقشۇقىر, سايىن اۋىلدارى تولدى, قازٸر ۇزارىپ كەتٸپ بارادى. ەندٸ 20 جىلدا قالاي بولادى ول جاعى بەلگٸسٸز?! 

مەنٸڭ وسى ورايدا بۇل تٷيٸندٸ شەشەتٸن ۇسىنىسىم بار. 

ول - جاڭادان بوس جاتقان جاقسى جەردەن قالا تيپتەس اۋىل سالۋ. ونداي جەر سايىن اۋىلى مەن قىزىلٶزەن اۋىلىنىڭ اراسىنان, تەڭٸزدٸڭ جاعاسىنان جاڭا قالا ٷلگٸسٸندەگٸ اۋىل سالۋ كەرەك. 

بۇل اۋىل تەڭٸز جاعالاۋىنداعى تۋريستەرگە قىزمەت كٶرسەتەتٸن ورىن بولسا, جۇمىس مەسەلەسٸن شەشۋگە بولادى. بۇل جەر تەڭٸزدٸڭ جاعاسى, اۋاسى تازا, ماڭعىستاۋ ستانتسيياسىنان فورت شەۆچەنكو قالاسىنا, بولاشاقتا تەمٸر جول دا تارتىلۋى مٷمكٸن. 

بۇل جەرگە بٸرٸنشٸ سۋ, گاز, توك, جول, مەكتەپ, بالا باقشا تاعى دا باسقا xالىققا ەڭ قاجەتتٸ دٷنيەلەردٸ سالسا. سودان سوڭ xالىققا جەردٸ تەگٸن بەرسە جاقسى بولادى. ەندٸ 10-15 جىلدىڭ اراسىندا بۇل جەر ٷلكەن اۋىلعا اينالادى. ال, 10 جىل دەگەن قازٸر-اق ٶتە شىعادى. سونداي اۋىلدى اقتاۋمەن قۇرىقتىڭ اراسىنان دا, سالۋعا بولادى. ەل بولعاننان كەيٸن, xالىقتىڭ ٶسۋ بولاشاعى بولعاننان سوڭ, تەك قازٸرگٸنٸ عانا ەمەس, ەلدٸڭ ەرتەڭگٸ تاعدىرىنا دا, الاڭداعان دۇرىس. ۇسىنىس بٸزدەن, جاۋاپ سٸزدەردەن بولسىن مەرتەبەلٸ مىرزالار!

قۇرمەتپەن: جەنٸبەك قوجىق

ۇلت پورتالى