Foto: NeMolchiKz
Aqtaý qalasynda bolǵan jan túrshigerlik qylmys týraly «NeMolchikz» qory habarlady. Málimetterge súiensek, oqiǵa 2024 jyldyń qyrkúieginde bolǵan. Sabaqtan shyqqan 13 jasar qyzdy jasóspirimder toby kúshtep qurylys alańyna aparyp, sol jerde toptyq zorlyq kórsetken, dep habarlaidy Ult.kz.
Qylmyskerler tek zorlyq-zombylyqpen shektelmei, zardap shekken qyzdy asa qatygezdikpen azaptaǵan. Qordyń málimetinshe, qyzdy uryp-soǵyp, ishine sekirgen, denesine túrli zattardy suǵyp, qorlaǵan, qolyna pyshaqpen balaǵat sóz jazǵan. Barlyq áreketterin telefon kamerasyna túsirip alǵan.
Zardap shekken qyzdyń anasy politsiiaǵa aryzdy oqiǵa bolǵan boida, iaǵni qyrkúiek aiynda-aq túsirgenin aitady. Alaida, onyń sózinshe, tergeý jumystary óte baiaý júrip jatyr, al aiýandyq jasaǵan jasóspirimder áli kúnge deiin bostandyqta júr.
Osy oqiǵadan keiin mektep oqýshysynyń psihologiialyq jaǵdaiy kúrt nasharlaǵan. Ol mektepke barýdan bas tartyp, qazirgi ýaqytta aýyr kúizeliske bailanysty arnaiy dárilik em qabyldap jatyr.
Mańǵystaý oblystyq Politsiia departamenti bul fakt boiynsha «Zorlaý» babymen qylmystyq is qozǵalǵanyn rastady. Qazirgi ýaqytta tergeý amaldary júrgizilýde.
