Aqtaýda ishinde adamdary bar lift shahtaǵa qulap ketti, - dep habarlaidy "Ult aqparat" lada.kz basylymyna silteme jasap.
Oqiǵa 25 qyrkúiek keshki saǵat 19:30 shamasynda 17-yqshamaýdandaǵy Aktau Plaza turǵyn úi kesheninde bolǵan. Jaǵdai beinebaqylaý kamerasyna túsip qalǵan.
Aktau Plaza turǵyndarynyń aitýynsha, adam toly lift isten shyqqan. Lift shahtaǵa birinshi qabattan qulaǵan. Zardap shekkender joq. Adamdar bir-birine kómektesip, liften ózderi shyqqan.
Turǵyndardyń aitýynsha, bul jaǵdai oryn alǵanda liftide kishkentai balalar, jas analar bolǵan. Olar liftiniń isten shyǵýy alǵash ret emes dep shaǵymdandy. Qurylysty salǵan kompaniia liftiniń durys jumys istemei turǵanynan habardar. Biraq soǵan qaramastan eshqandai shara qoldanbai otyrǵan kórinedi.
Sondai-aq, jańadan salynǵan úige bir jyl buryn turǵyndar qonystana bastaǵan. Biraq olar áli kúnge deiin páterdiń qujatyn ala almai otyr. Budan bólek, turǵyn úi áli kúnge kógildir otynǵa qosylmaǵan.
