اقتاۋدا ٸشٸندە ادامدارى بار ليفت شاحتاعا قۇلاپ كەتتٸ, - دەپ حابارلايدى "ۇلت اقپارات" lada.kz باسىلىمىنا سٸلتەمە جاساپ.
وقيعا 25 قىركٷيەك كەشكٸ ساعات 19:30 شاماسىندا 17-ىقشاماۋدانداعى Aktau Plaza تۇرعىن ٷي كەشەنٸندە بولعان. جاعداي بەينەباقىلاۋ كامەراسىنا تٷسٸپ قالعان.
Aktau Plaza تۇرعىندارىنىڭ ايتۋىنشا, ادام تولى ليفت ٸستەن شىققان. ليفت شاحتاعا بٸرٸنشٸ قاباتتان قۇلاعان. زارداپ شەككەندەر جوق. ادامدار بٸر-بٸرٸنە كٶمەكتەسٸپ, ليفتەن ٶزدەرٸ شىققان.
تۇرعىنداردىڭ ايتۋىنشا, بۇل جاعداي ورىن العاندا ليفتٸدە كٸشكەنتاي بالالار, جاس انالار بولعان. ولار ليفتٸنٸڭ ٸستەن شىعۋى العاش رەت ەمەس دەپ شاعىمداندى. قۇرىلىستى سالعان كومپانييا ليفتٸنٸڭ دۇرىس جۇمىس ٸستەمەي تۇرعانىنان حاباردار. بٸراق سوعان قاراماستان ەشقانداي شارا قولدانباي وتىرعان كٶرٸنەدٸ.
سونداي-اق, جاڭادان سالىنعان ٷيگە بٸر جىل بۇرىن تۇرعىندار قونىستانا باستاعان. بٸراق ولار ەلٸ كٷنگە دەيٸن پەتەردٸڭ قۇجاتىن الا الماي وتىر. بۇدان بٶلەك, تۇرعىن ٷي ەلٸ كٷنگە كٶگٸلدٸر وتىنعا قوسىلماعان.
