Aqtaýda jaǵalaý mańynda tótenshe oqiǵa tirkeldi — teńizden áiel adamnyń máiiti tabyldy, dep habarlaidy Ult.kz jergilikti Lada.kz basylymyna silteme jasap.
Kýágerlerdiń aitýynsha, 4-shaǵynaýdandaǵy jaǵalaýǵa túsetin tustan máiittiń tabylýyna bailanysty arnaiy qyzmet ókilderi kóptep jinalǵan. Aqparatty Mańǵystaý oblystyq TJD rastady.
4A shaǵynaýdanynda (halyq arasynda «Tarasik» atalyp ketken aýmaq) teńizde adam bar ekeni jóninde habar qutqarý qyzmetiniń kezekshi pýltine 29 qańtar kúni saǵat 18:10-da túsken.
«Jedel-qutqarý jasaǵynyń súńgýirleri sýdan kiimdegi áiel adamnyń máiitin alyp shyqty. Oqiǵanyń mán-jaiy anyqtalyp jatyr», – dep málimdedi Mańǵystaý oblystyq TJD.
Qutqarýshylardyń boljamynsha, áiel adam óz-ózine qol jumsaýy múmkin.
Kýágerlerdiń fotolary: lada.kz
