Aqtaý qalasynda erler men áielder arasynda dziýdodan Qazaqstan chempionaty ótýde, dep habarlaidy "Ult aqparat".
Qazaqstan dziýdo federatsiiasy málim etkenindei, búgin bastalǵan jarysta 105 qyz, 168 jigit baq synaýda.
Aqtaýdaǵy dodaǵa el quramasynyń birinshi nómirli sportshylary túgel kelgen. Balýandar básekesin Qazaqstan ulttyq quramasynyń bas bapkeri Ǵalymjan Jylgeldiev bastaǵan mamandar baqylaýda.
Jarys sanitarlyq talaptarǵa sai, kórermendersiz ótýde.
El chempionatynda alǵashqy bolyp áielder arasynda 48 kelige deiingi salmaqta jeńimpaz-júldegerler anyqtaldy.
Nur-Sultan qalasynyń ókili Aqmaral Naýatbek finalda almatylyq Ǵaliia Tynbaevany utyp, chempion atandy.
Atyraýlyq Abiba Abýjaqynova men qaraǵandylyq Margarita Bajaeva qola júldege ie boldy.
El chempionaty 21 jeltoqsanda márege jetedi. Ár salmaqtyń jeńimpaz-júldegerlerine aqshalai syiaqy beriledi.
Chempionǵa 150 myń, ekinshi oryn iegerine 100 myń, qola júldegerge 50 myń teńge tabys etiledi.
