اقتاۋ قالاسىندا ەرلەر مەن ەيەلدەر اراسىندا دزيۋدودان قازاقستان چەمپيوناتى ٶتۋدە, دەپ حابارلايدى "ۇلت اقپارات".
قازاقستان دزيۋدو فەدەراتسيياسى مەلٸم ەتكەنٸندەي, بٷگٸن باستالعان جارىستا 105 قىز, 168 جٸگٸت باق سىناۋدا.
اقتاۋداعى دوداعا ەل قۇراماسىنىڭ بٸرٸنشٸ نٶمٸرلٸ سپورتشىلارى تٷگەل كەلگەن. بالۋاندار بەسەكەسٸن قازاقستان ۇلتتىق قۇراماسىنىڭ باس باپكەرٸ عالىمجان جىلگەلديەۆ باستاعان ماماندار باقىلاۋدا.
جارىس سانيتارلىق تالاپتارعا ساي, كٶرەرمەندەرسٸز ٶتۋدە.
ەل چەمپيوناتىندا العاشقى بولىپ ەيەلدەر اراسىندا 48 كەلٸگە دەيٸنگٸ سالماقتا جەڭٸمپاز-جٷلدەگەرلەر انىقتالدى.
نۇر-سۇلتان قالاسىنىڭ ٶكٸلٸ اقمارال ناۋاتبەك فينالدا الماتىلىق عالييا تىنباەۆانى ۇتىپ, چەمپيون اتاندى.
اتىراۋلىق ابيبا ابۋجاقىنوۆا مەن قاراعاندىلىق مارگاريتا باجاەۆا قولا جٷلدەگە يە بولدى.
ەل چەمپيوناتى 21 جەلتوقساندا مەرەگە جەتەدٸ. ەر سالماقتىڭ جەڭٸمپاز-جٷلدەگەرلەرٸنە اقشالاي سىياقى بەرٸلەدٸ.
چەمپيونعا 150 مىڭ, ەكٸنشٸ ورىن يەگەرٸنە 100 مىڭ, قولا جٷلدەگەرگە 50 مىڭ تەڭگە تابىس ەتٸلەدٸ.
