Aqtaý qalasy himiia-biologiia baǵytyndaǵy Nazarbaev Ziiatkerlik mektebiniń 700-ge jýyq oqýshysy qazaqtyń oishyly 175 jyldyq mereitoiy atalyp ótkeli otyrǵan Abai Qunanbaevtyń mereitoiyna orai bir mezette «Kózimniń qarasy» ánin oryndady, – dep habarlaidy atalǵan mekteptiń baspasóz qyzmeti.
Bilim ordasynyń oqýshylary #Abai175 án estafetasyn óńirdegi «Intellektým» litseiinen qabyldaǵan.
«Kózimniń qarasy» ánin kez kelgen qazaqstandyq biledi degen oidamyz. Estafetanyń sharttaryn oryndaý maqsatynda arnaiy daiyndyq júrgizgen joqpyz. Bizge mektep aldyna shyǵyp án aitatyndyǵymyz habarlandy. Úzilis kezinde óleńdi bir emes úsh ret aityp shyqtyq, - deidi mekteptegi Ózin-ózi basqarý uiymynyń prezidenti Raýan Ibragim.
Ziiatkerlerdiń sózinshe, respýblika boiynsha Abai shyǵarmalaryn nasihattaýǵa arnalǵan sharalarǵa belsendi qatysý arqyly balalarǵa aqynnyń shyǵarmashylyǵymen jaqyn tanystyrýdy maqsat tutypty. Oqýshylar estafetany Qyzylorda qalasyndaǵy Nazarbaev Ziiatkerlik mektebine, Qaraqiia aýdany, Jetibai kentindegi №8 jalpy bilim berý orta mektebi men Fort-Shevchenkodaǵy M.Gorkii atyndaǵy mektep-litseiine joldady.
Aqtaýdaǵy Nazarbaev Ziiatkerlik mektebiniń ákimshiligi aqynnyń shyǵarmashylyǵyn nasihattaý maqsatynda birneshe sharalardy ótkizýdi josparlap otyr.
Bilim ordasynda Abai atamyzdyń 175-jyldyǵyn toilaý maqsatynda ótkiziletin sharalardy biz ótken oqý jylynan beri júrgizip kelemiz. Biyl «Adamnyń bir qyzyǵy bala degen» atty sahnalyq qoiylymdarymyzdy otbasy múshelerin qatystyryp ótkizýdi jospardap otyrmyz. Biz balamen jumys jasap qana qoimai, onyń otbasy múshelerine de oishyldyń shyǵarmalaryn nasihattaýdy kózdeimiz, - deidi mektep direktorynyń orynbasary Altynzer Ihsanova.
