اقتاۋ قالاسى حيمييا-بيولوگييا باعىتىنداعى نازارباەۆ زيياتكەرلٸك مەكتەبٸنٸڭ 700-گە جۋىق وقۋشىسى قازاقتىڭ ويشىلى 175 جىلدىق مەرەيتويى اتالىپ ٶتكەلٸ وتىرعان اباي قۇنانباەۆتىڭ مەرەيتويىنا وراي بٸر مەزەتتە «كٶزٸمنٸڭ قاراسى» ەنٸن ورىندادى, – دەپ حابارلايدى اتالعان مەكتەپتٸڭ باسپاسٶز قىزمەتٸ.
بٸلٸم ورداسىنىڭ وقۋشىلارى #اباي175 ەن ەستافەتاسىن ٶڭٸردەگٸ «ينتەللەكتۋم» ليتسەيٸنەن قابىلداعان.
«كٶزٸمنٸڭ قاراسى» ەنٸن كەز كەلگەن قازاقستاندىق بٸلەدٸ دەگەن ويدامىز. ەستافەتانىڭ شارتتارىن ورىنداۋ ماقساتىندا ارنايى دايىندىق جٷرگٸزگەن جوقپىز. بٸزگە مەكتەپ الدىنا شىعىپ ەن ايتاتىندىعىمىز حابارلاندى. ٷزٸلٸس كەزٸندە ٶلەڭدٸ بٸر ەمەس ٷش رەت ايتىپ شىقتىق, - دەيدٸ مەكتەپتەگٸ ٶزٸن-ٶزٸ باسقارۋ ۇيىمىنىڭ پرەزيدەنتٸ راۋان يبراگيم.
زيياتكەرلەردٸڭ سٶزٸنشە, رەسپۋبليكا بويىنشا اباي شىعارمالارىن ناسيحاتتاۋعا ارنالعان شارالارعا بەلسەندٸ قاتىسۋ ارقىلى بالالارعا اقىننىڭ شىعارماشىلىعىمەن جاقىن تانىستىرۋدى ماقسات تۇتىپتى. وقۋشىلار ەستافەتانى قىزىلوردا قالاسىنداعى نازارباەۆ زيياتكەرلٸك مەكتەبٸنە, قاراقييا اۋدانى, جەتٸباي كەنتٸندەگٸ №8 جالپى بٸلٸم بەرۋ ورتا مەكتەبٸ مەن فورت-شەۆچەنكوداعى م.گوركيي اتىنداعى مەكتەپ-ليتسەيٸنە جولدادى.
اقتاۋداعى نازارباەۆ زيياتكەرلٸك مەكتەبٸنٸڭ ەكٸمشٸلٸگٸ اقىننىڭ شىعارماشىلىعىن ناسيحاتتاۋ ماقساتىندا بٸرنەشە شارالاردى ٶتكٸزۋدٸ جوسپارلاپ وتىر.
بٸلٸم ورداسىندا اباي اتامىزدىڭ 175-جىلدىعىن تويلاۋ ماقساتىندا ٶتكٸزٸلەتٸن شارالاردى بٸز ٶتكەن وقۋ جىلىنان بەرٸ جٷرگٸزٸپ كەلەمٸز. بيىل «ادامنىڭ بٸر قىزىعى بالا دەگەن» اتتى ساحنالىق قويىلىمدارىمىزدى وتباسى مٷشەلەرٸن قاتىستىرىپ ٶتكٸزۋدٸ جوسپارداپ وتىرمىز. بٸز بالامەن جۇمىس جاساپ قانا قويماي, ونىڭ وتباسى مٷشەلەرٸنە دە ويشىلدىڭ شىعارمالارىن ناسيحاتتاۋدى كٶزدەيمٸز, - دەيدٸ مەكتەپ ديرەكتورىنىڭ ورىنباسارى التىنزەر يحسانوۆا.
