Foto: Gov.kz
2024 jylǵy 25 jeltoqsanda Aqtaý qalasy mańynda «Azerbaijan Airlines» áýe kompaniiasyna tiesili Embraer 190 (4K-AZ65) áýe kemesimen bolǵan aviatsiialyq oqiǵanyń jyldyǵyna orai Qazaqstan Respýblikasy Kólik ministrliginiń aviatsiialyq oqiǵany tergep-tekserý jónindegi komissiiasy aralyq habarlama daiyndady, dep habarlaidy Ult.kz.
Aralyq esep Azamattyq aviatsiianyń halyqaralyq uiymy (IKAO) týraly konventsiianyń 13-qosymshasynyń talaptaryna, sondai-aq azamattyq jáne eksperimenttik aviatsiiadaǵy aviatsiialyq oqiǵalar men oqys oqiǵalardy tergep-tekserý qaǵidalaryna sáikes ázirlengen. Qujat QR Kólik ministrliginiń resmi saitynda jariialanǵan.
Komissiianyń málimetinshe, IKAO-nyń 13-qosymshasyna sáikes aviatsiialyq oqiǵany tergep-tekserýdiń basty maqsaty – bolashaqta osyndai jaǵdailardyń aldyn alý. Tergeý qandai da bir tulǵanyń kinásin nemese jaýapkershilik deńgeiin anyqtaýǵa baǵyttalmaidy.
Sonymen qatar komissiia aviatsiialyq oqiǵany tergep-tekserýmen qatar, Qazaqstan Respýblikasynyń quqyq qorǵaý organdary tarapynan qylmystyq tergeý de júrgizilip jatqanyn atap ótti. IKAO talaptaryna sáikes, aviatsiialyq tergeý sot nemese ákimshilik is júrgizýlerden bólek júzege asyrylady.
Qaǵidalarǵa sai, tergep-tekserýge qatysýshylar oqiǵaǵa qatysty aqparatty tek ushý qaýipsizdigin arttyrýǵa baǵyttalǵan sharalardy ázirleý maqsatynda paidalana alady. Tergeý aiaqtalǵanǵa deiin onyń barysy týraly málimetter jariia etilmeidi.
Aviatsiialyq oqiǵany tergep-tekserýdiń túpkilikti merzimi barlyq taǵaiyndalǵan zertteýler men jumystardyń aiaqtalýyna bailanysty bolmaq. Oqiǵanyń sebepteri men yqpal etken faktorlar, sondai-aq ushý qaýipsizdigi boiynsha usynymdar túpkilikti esepte kórsetiledi.
Aita keteiik, Groznyi qalasynda Aqtaý mańyndaǵy áýe apatynda qaza tapqandarǵa arnalǵan memorial ashyldy.
