Jambyl oblysynda burynǵy áielin uryp-soǵyp, qolyn syndyrǵan er adam bir jylǵa bas bostandyǵynan aiyryldy. Apelliatsiialyq sot úkimdi ózgerissiz qaldyrdy, dep habarlaidy ult.kz.
Sot materialdaryna sáikes, ajyrasqan erli-zaiyptylar keiin qaita qosylyp, bir úide turǵan. Alaida byltyr turmystyq janjal kezinde er adam áieliniń betinen birneshe ret uryp, esinen tandyrǵan ári qolyn syndyrǵan.
Keiin áiel meditsinalyq kómekke júginbek bolǵanda, aralarynda taǵy janjal týyndaǵan. Er adam burynǵy áielin balaǵattaǵan.
Sottalǵan azamat úkimmen kelispei, ózin aqtaýdy suraǵan. Alaida apelliatsiialyq alqa birinshi satydaǵy sot sheshimin ózgerissiz qaldyrdy. Sot aktileri zańdy kúshine endi.
