QR Prezidenti Ákimshiliginiń jáne Aqtaý qalasy Máslihatynyń kelisimimen, Mańǵystaý oblysy ákiminiń ókimi boiynsha Aqtaý qalasynyń ákimi bolyp Nurdáýlet Qilybai taǵaiyndaldy.
Nurdáýlet Igilikuly buǵan deiin Mańǵystaý oblysy ákiminiń orynbasary qyzmetin atqaryp keldi.
Qilybai Nurdáýlet Igilikuly1978 jyly 10 sáýirde Beineý aýdany Beineý aýylynda ómirge kelgen.
1999 jyly M.Tynyshbaev atyndaǵy kólik jáne komýnikatsiia qazaq akademiiasynan «Temirjol kóligin tasymaldaýdy uiymdastyrý jónindegi injener» mamandyǵyn alyp shyqqan.
2003 jyly L.Gýmilev atyndaǵy ulttyq Evraziialyq ýniversitetiniń «Qarjy jáne qarjy quqyǵy» mamandyǵyn aiaqtaǵan.
Ol tasymal protsesin basqarý jónindegi injener, qarjyger. Onyń eńbek joly Qazaqstan Respýblikasynyń temir jol kóligimen bailanysty. Eńbek jolyn 1999 jyly «Qazaqstan temir joly» RMK Atyraý tasymal bóliminiń Mańǵyshlaq stantsiiasynda kezekshi retinde bastaǵan. Keiin qabyldaýshy-tapsyrýshy, bas maman bolyp qyzmet etti.
2002-2008 jyldar aralyǵynda «QTJ» UK» JAQ-ta túrli laýazymdy atqardy. 2008-2011 jyldary QR Kólik jáne kommýnikatsiia ministrliginiń Jol qatynasy komiteti tóraǵasynyń orynbasary, «Vokzal-servis» AQ prezidenti, «QTJ» UK» AQ-tyń jolaýshylar tasymaly jónindegi basqarýshy direktory boldy. 2011 jyldan bastap 2013 jylǵa deiin «QTJ» UK» AQ-ta, QR Kólik jáne kommýnikatsiia ministrliginde basshy qyzmetin atqardy. 2013 jyldyń tamyzynan 2015 jyldyń qyrkúiegi aralyǵynda «QTJ» UK» AQ Apparat basshysy — basqarýshy direktory boldy.
2017 jyldan «Jolaýshylar tasymaly» AQ Basqarma Tóraǵasy, 2018 jyldan «Temirjolsý» Aq basshysy, «Jolaýshylar tasymaly» AQ Bas Direktory – Tóraǵasy, 2018 jylyń jeltoqsan aiynan bastap Mańǵystaý oblysy ákiminiń orynbasary qyzmetin atqarǵan.
