Qazaqstan Prezidenti jaǵajaiy, basseindi akvaparki jáne qonaq úi kesheni bar demalys ornynyń jumysymen tanysty, dep habarlaidy "Ult aqparat" Aqordaǵa silteme jasap.
Nursultan Nazarbaev týristermen áńgimelesý barysynda Kaspii shipajailarynda demalýdyń artyqshylyqtaryn, sonyń ishinde baǵanyń qoljetimdiligin, sýǵa shomylý maýsymynyń uzaqtyǵyn, Aqtaý qalasy infraqurylymynyń jaqyndyǵyn, qonaq úi sanynyń kóptigin atap ótti.
«Men buǵan deiin Alakólde, Balqashta, Býrabaida boldym. Bul demalys aimaǵy otandyq týrizmdi damytý úshin jańa múmkindikter beredi. Biz osy salany ilgeriletýdi josparlap otyrmyz. Aqtaý qalasy keleshekte Qazaqstannyń Antaliiasyna ainalady», - dedi Memleket basshysy.
Bir maýsymda 140 myńǵa jýyq adamdy qabyldaýǵa múmkindigi bar demalys aimaǵy 5,7 gektardy qamtidy jáne Aqtaý qalasynan 25 shaqyrym jerde ornalasqan. Týristik nysanǵa tartylǵan investitsiianyń jalpy kólemi - 485,2 million teńge.
