قازاقستان پرەزيدەنتٸ جاعاجايى, باسسەيندٸ اكۆاپاركٸ جەنە قوناق ٷي كەشەنٸ بار دەمالىس ورنىنىڭ جۇمىسىمەن تانىستى, دەپ حابارلايدى "ۇلت اقپارات" اقورداعا سٸلتەمە جاساپ.
نۇرسۇلتان نازارباەۆ تۋريستەرمەن ەڭگٸمەلەسۋ بارىسىندا كاسپيي شيپاجايلارىندا دەمالۋدىڭ ارتىقشىلىقتارىن, سونىڭ ٸشٸندە باعانىڭ قولجەتٸمدٸلٸگٸن, سۋعا شومىلۋ ماۋسىمىنىڭ ۇزاقتىعىن, اقتاۋ قالاسى ينفراقۇرىلىمىنىڭ جاقىندىعىن, قوناق ٷي سانىنىڭ كٶپتٸگٸن اتاپ ٶتتٸ.
«مەن بۇعان دەيٸن الاكٶلدە, بالقاشتا, بۋرابايدا بولدىم. بۇل دەمالىس ايماعى وتاندىق تۋريزمدٸ دامىتۋ ٷشٸن جاڭا مٷمكٸندٸكتەر بەرەدٸ. بٸز وسى سالانى ٸلگەرٸلەتۋدٸ جوسپارلاپ وتىرمىز. اقتاۋ قالاسى كەلەشەكتە قازاقستاننىڭ انتاليياسىنا اينالادى», - دەدٸ مەملەكەت باسشىسى.
بٸر ماۋسىمدا 140 مىڭعا جۋىق ادامدى قابىلداۋعا مٷمكٸندٸگٸ بار دەمالىس ايماعى 5,7 گەكتاردى قامتيدى جەنە اقتاۋ قالاسىنان 25 شاقىرىم جەردە ورنالاسقان. تۋريستٸك نىسانعا تارتىلعان ينۆەستيتسييانىڭ جالپى كٶلەمٸ - 485,2 ميلليون تەڭگە.
