QR Energetika ministri Bolat Aqsholaqov Kaspii qubyr konsortsiýmy mańynda tabylǵan minaǵa qatysty pikir bildirdi, dep habarlaidy QazAqparat.
«Teńiz túbinde tiisti jumystardy atqarar aldynda tazartý is-sharalaryn júrgizý eskerilip otyr. Ókinishke qarai, ol jerlerde Ekinshi dúniejúzilik soǵystan qalǵan mina kóp kezdesedi», - dedi Aqsholaqov Parlament palatalarynyń birlesken otyrysynyń aldynda tilshiler saýalyna jaýap bere otyryp.
Ministrdiń sózine qaraǵanda, bul baǵytta ótken aptada konsortsiýmmen birlese tiisti jumystardy bastaý pysyqtalǵan.
Sonymen qatar ol osy jaǵdai Kaspii qubyr konsortsiýmy jumysyna áser etpeitinin aitty.
«Qashaǵanda 15 shildege deiin jóndeý jumystary júrgiziledi. Munaidy ailaqtan tasymaldaityn bir qurylǵy (ATQ) jumys istep tur. Al qalǵan ekeýi teńiz túbin tazartý jumystaryn júrgizý úshin ýaqytsha toqtaldy», - dedi ministr.
Onyń sózine qaraǵanda, 15 maýsymnan 25 maýsymǵa deiingi aralyqta teńiz túbin tazartý boiynsha atalǵan aýmaqta josparlanǵan jumystar aiaqtalýy tiis.
«Al Qashaǵandaǵy jóndeý jumystary 1 maýsym-15 shilde aralyǵynda júrgiziledi. Qashaǵansyz Kaspii qubyry konsortsiýmyna jetkiziletin munaiǵa ailaqtan tasymaldaityn bir qurylǵynyń qýaty jetedi», - dedi Aqsholaqov.
