قر ەنەرگەتيكا مينيسترٸ بولات اقشولاقوۆ كاسپيي قۇبىر كونسورتسيۋمى ماڭىندا تابىلعان ميناعا قاتىستى پٸكٸر بٸلدٸردٸ, دەپ حابارلايدى قازاقپارات.
«تەڭٸز تٷبٸندە تيٸستٸ جۇمىستاردى اتقارار الدىندا تازارتۋ ٸس-شارالارىن جٷرگٸزۋ ەسكەرٸلٸپ وتىر. ٶكٸنٸشكە قاراي, ول جەرلەردە ەكٸنشٸ دٷنيەجٷزٸلٸك سوعىستان قالعان مينا كٶپ كەزدەسەدٸ», - دەدٸ اقشولاقوۆ پارلامەنت پالاتالارىنىڭ بٸرلەسكەن وتىرىسىنىڭ الدىندا تٸلشٸلەر ساۋالىنا جاۋاپ بەرە وتىرىپ.
مينيستردٸڭ سٶزٸنە قاراعاندا, بۇل باعىتتا ٶتكەن اپتادا كونسورتسيۋممەن بٸرلەسە تيٸستٸ جۇمىستاردى باستاۋ پىسىقتالعان.
سونىمەن قاتار ول وسى جاعداي كاسپيي قۇبىر كونسورتسيۋمى جۇمىسىنا ەسەر ەتپەيتٸنٸن ايتتى.
«قاشاعاندا 15 شٸلدەگە دەيٸن جٶندەۋ جۇمىستارى جٷرگٸزٸلەدٸ. مۇنايدى ايلاقتان تاسىمالدايتىن بٸر قۇرىلعى (اتق) جۇمىس ٸستەپ تۇر. ال قالعان ەكەۋٸ تەڭٸز تٷبٸن تازارتۋ جۇمىستارىن جٷرگٸزۋ ٷشٸن ۋاقىتشا توقتالدى», - دەدٸ مينيستر.
ونىڭ سٶزٸنە قاراعاندا, 15 ماۋسىمنان 25 ماۋسىمعا دەيٸنگٸ ارالىقتا تەڭٸز تٷبٸن تازارتۋ بويىنشا اتالعان اۋماقتا جوسپارلانعان جۇمىستار اياقتالۋى تيٸس.
«ال قاشاعانداعى جٶندەۋ جۇمىستارى 1 ماۋسىم-15 شٸلدە ارالىعىندا جٷرگٸزٸلەدٸ. قاشاعانسىز كاسپيي قۇبىرى كونسورتسيۋمىنا جەتكٸزٸلەتٸن مۇنايعا ايلاقتان تاسىمالدايتىن بٸر قۇرىلعىنىڭ قۋاتى جەتەدٸ», - دەدٸ اقشولاقوۆ.
