Foto: Didar gazeti
18 maýsymda Parlament Májilisi otyrysynda depýtat Rinat Zaiytov Mádeniet jáne Aqparat ministri Aida Balaevaǵa ulttyq animatsiialyq filmder týraly suraq qoiyp, másele kóterdi. Ol óz sózinde elde shyǵarylyp jatqan animatsiialyq filmder kórermenge jetpei jatqanyn aityp qynjyldy. Bul týraly Ult.kz habarlaidy.
Rinat Zaiytovtyń sózinshe sońǵy 5 jylda «Qazaqfilm» kinostýdiiasynyń qatysýymen 1,4 mlrd. teńgege 47 animatsiialyq film jasalǵan, alaida olardyń kóbi kórermenge jetpei qalǵan.
«Bundai qarjylandyrýdan keiin bizde serpilis bolýy kerek edi ǵoi. Joq, bolǵan joq. 47 filmniń tórteýi ǵana telearnalardan kórsetildi, qalǵany efirge de, ekranǵa da, eshqandai jerge shyqqan joq. Qaitalap aitamyn, tórteýi ǵana shyqqan! Onyń "Qazaq animation" degen 475 podpischigi bar arnasy bar, solǵan 12 mýltfilm ornalastyrylǵan. Biraq onyń qaralymy ‒ 383. Eń kóp qaralym jinaǵan bireýi bir, onyń ózi 44 myń qaralym. Boldy. Bul endi qiyn jaǵdai ǵoi? Qazirgi mynandai marketing pen tsifrlandyrýdyń zamanynda nege artta qalyp jatyrmyz?! Qarjylandyrý joq emes, bar. Aqsha bar. Aýditoriiaǵa nege jetpeidi? Nege bizdiń animatsiiaǵa bólingen aqshaǵa animatsiiada ilgerileý joq?» ‒ dep surady Zaiytov.
Óz sózinde Aida Balaeva bul máselemen 2 jyl boldy ainalysyp jatqandaryn aitty.
«Shynyn aitý kerek birinshi kezde ónim joq boldy, ekinshiden siz aityp otyrǵan 47 ónimdi buqara halyqqa kórsetý úshin quqyqtyq negiz joq boldy. Óitkeni eń basty halyqaralyq shart ‒ ondai ónimder ár túrli deńgeidegi halyqaralyq festivaldiń sheńberinde baiqaýlardan ótýi kerek. Sondyqtan bul jumys qazir júrgizilip jatyr», ‒ deidi ministr.
Mádeniet jáne Aqparat ministriniń aitýynsha túsirilgen animatsiialyq filmderdiń ishinde barlyq festivaldardan 47-niń jartysy ótti, al basqalary sol festivaldarǵa qatysyp jatyr.
«Al ekinshiden, ózińiz aityp otyrǵan osyndai týyndylarymyzdy tsifrlyq marketing, iýtýb nemese arnaiy striming platformalary arqyly taratý júiesi bizde bolǵan joq. Ony biz 2024 jyldan bastap qolǵa aldyq. Qazirgi tańda jańa animatsiialyq ónimderdiń 25-i Qazaqstan telearnalarynda, 69-y Habar telearnalarynda ornatyldy. Iýtýb kanalda Qazaqfilmniń ár túrli jyldary túsirilgen 10 ónimi sol jaqqa quiyldy. sondyqtan bul jumys únemi kórsetiletin bolady. Ekinshi baǵyt, ol ár túrli bilim oshaqtary men mádeni oshaqtarda bizdiń ónimderdi kórsetý. Onymen biz josparly túrde ainalysyp otyrmyz. Jalpy osy ulttyq kinony qoldaý ortalyǵy qazir taǵy da ónimder shyǵaryp jatyr. Onyń bári ár túrli strimingterde, iýtýb kanaldarda ornatylatyn bolady», ‒ dedi A. Balaeva.
Aita keteiik, ulttyq animatsiia salasyna qatysty máseleler Parlament qabyrǵasynda ara-tura kóterilip turady. Depýtattar animatsiia arqyly ulttyq qundylyqtardy nasihattaýdy usynyp, qazaq tiliniń damýy, urpaq tárbiesine áseri týraly jii aitady.
