فوتو: ديدار گازەتٸ
18 ماۋسىمدا پارلامەنت مەجٸلٸسٸ وتىرىسىندا دەپۋتات رينات زايىتوۆ مەدەنيەت جەنە اقپارات مينيسترٸ ايدا بالاەۆاعا ۇلتتىق انيماتسييالىق فيلمدەر تۋرالى سۇراق قويىپ, مەسەلە كٶتەردٸ. ول ٶز سٶزٸندە ەلدە شىعارىلىپ جاتقان انيماتسييالىق فيلمدەر كٶرەرمەنگە جەتپەي جاتقانىن ايتىپ قىنجىلدى. بۇل تۋرالى Ult.kz حابارلايدى.
رينات زايىتوۆتىڭ سٶزٸنشە سوڭعى 5 جىلدا «قازاقفيلم» كينوستۋديياسىنىڭ قاتىسۋىمەن 1,4 ملرد. تەڭگەگە 47 انيماتسييالىق فيلم جاسالعان, الايدا ولاردىڭ كٶبٸ كٶرەرمەنگە جەتپەي قالعان.
«بۇنداي قارجىلاندىرۋدان كەيٸن بٸزدە سەرپٸلٸس بولۋى كەرەك ەدٸ عوي. جوق, بولعان جوق. 47 فيلمنٸڭ تٶرتەۋٸ عانا تەلەارنالاردان كٶرسەتٸلدٸ, قالعانى ەفيرگە دە, ەكرانعا دا, ەشقانداي جەرگە شىققان جوق. قايتالاپ ايتامىن, تٶرتەۋٸ عانا شىققان! ونىڭ "Qazaq animation" دەگەن 475 پودپيسچيگٸ بار ارناسى بار, سولعان 12 مۋلتفيلم ورنالاستىرىلعان. بٸراق ونىڭ قارالىمى ‒ 383. ەڭ كٶپ قارالىم جيناعان بٸرەۋٸ بٸر, ونىڭ ٶزٸ 44 مىڭ قارالىم. بولدى. بۇل ەندٸ قيىن جاعداي عوي? قازٸرگٸ مىنانداي ماركەتينگ پەن تسيفرلاندىرۋدىڭ زامانىندا نەگە ارتتا قالىپ جاتىرمىز?! قارجىلاندىرۋ جوق ەمەس, بار. اقشا بار. اۋديتوريياعا نەگە جەتپەيدٸ? نەگە بٸزدٸڭ انيماتسيياعا بٶلٸنگەن اقشاعا انيماتسييادا ٸلگەرٸلەۋ جوق?» ‒ دەپ سۇرادى زايىتوۆ.
ٶز سٶزٸندە ايدا بالاەۆا بۇل مەسەلەمەن 2 جىل بولدى اينالىسىپ جاتقاندارىن ايتتى.
«شىنىن ايتۋ كەرەك بٸرٸنشٸ كەزدە ٶنٸم جوق بولدى, ەكٸنشٸدەن سٸز ايتىپ وتىرعان 47 ٶنٸمدٸ بۇقارا حالىققا كٶرسەتۋ ٷشٸن قۇقىقتىق نەگٸز جوق بولدى. ٶيتكەنٸ ەڭ باستى حالىقارالىق شارت ‒ ونداي ٶنٸمدەر ەر تٷرلٸ دەڭگەيدەگٸ حالىقارالىق فەستيۆالدٸڭ شەڭبەرٸندە بايقاۋلاردان ٶتۋٸ كەرەك. سوندىقتان بۇل جۇمىس قازٸر جٷرگٸزٸلٸپ جاتىر», ‒ دەيدٸ مينيستر.
مەدەنيەت جەنە اقپارات مينيسترٸنٸڭ ايتۋىنشا تٷسٸرٸلگەن انيماتسييالىق فيلمدەردٸڭ ٸشٸندە بارلىق فەستيۆالداردان 47-نٸڭ جارتىسى ٶتتٸ, ال باسقالارى سول فەستيۆالدارعا قاتىسىپ جاتىر.
«ال ەكٸنشٸدەن, ٶزٸڭٸز ايتىپ وتىرعان وسىنداي تۋىندىلارىمىزدى تسيفرلىق ماركەتينگ, يۋتۋب نەمەسە ارنايى ستريمينگ پلاتفورمالارى ارقىلى تاراتۋ جٷيەسٸ بٸزدە بولعان جوق. ونى بٸز 2024 جىلدان باستاپ قولعا الدىق. قازٸرگٸ تاڭدا جاڭا انيماتسييالىق ٶنٸمدەردٸڭ 25-ٸ قازاقستان تەلەارنالارىندا, 69-ى حابار تەلەارنالارىندا ورناتىلدى. يۋتۋب كانالدا قازاقفيلمنٸڭ ەر تٷرلٸ جىلدارى تٷسٸرٸلگەن 10 ٶنٸمٸ سول جاققا قۇيىلدى. سوندىقتان بۇل جۇمىس ٷنەمٸ كٶرسەتٸلەتٸن بولادى. ەكٸنشٸ باعىت, ول ەر تٷرلٸ بٸلٸم وشاقتارى مەن مەدەني وشاقتاردا بٸزدٸڭ ٶنٸمدەردٸ كٶرسەتۋ. ونىمەن بٸز جوسپارلى تٷردە اينالىسىپ وتىرمىز. جالپى وسى ۇلتتىق كينونى قولداۋ ورتالىعى قازٸر تاعى دا ٶنٸمدەر شىعارىپ جاتىر. ونىڭ بەرٸ ەر تٷرلٸ ستريمينگتەردە, يۋتۋب كانالداردا ورناتىلاتىن بولادى», ‒ دەدٸ ا. بالاەۆا.
ايتا كەتەيٸك, ۇلتتىق انيماتسييا سالاسىنا قاتىستى مەسەلەلەر پارلامەنت قابىرعاسىندا ارا-تۇرا كٶتەرٸلٸپ تۇرادى. دەپۋتاتتار انيماتسييا ارقىلى ۇلتتىق قۇندىلىقتاردى ناسيحاتتاۋدى ۇسىنىپ, قازاق تٸلٸنٸڭ دامۋى, ۇرپاق تەربيەسٸنە ەسەرٸ تۋرالى جيٸ ايتادى.
