AQSh-tyń Memlekettik hatshysy Maikl Pompeo ártúrli elderdiń BAQ ókilderi qatysqan telefon arqyly brifing ótkizdi, dep habarlaidy "Ult aqparat".
Brifing barysynda «Habar 24» arnasynyń tilshisi AQSh Memlekettik hatshysyna «koronavirýs indetinen keiin amerikalyq viza alý erejesi ózgere me?» dep saýal qoiǵan edi. Aita keterligi, qazirdiń ózinde Eýropa elderi shengen vizasyna ótinim berýshilerden koronavirýsqa test tapsyrǵandyǵy týraly anyqtama talap etý máselesin talqylap jatyr. Maikl Pompeo da indetten keiin AQSh elge kelý erejesine qaita qaraýy múmkin ekendigin aitty.
«Shekara ashylyp, qalypty ómir arnasyna túskennen keiin barlyq memleketter óz azamattarynyń qaýipsizdigine kepildik berý úshin kelý jáne ketýdiń qoldanystaǵy sharttaryn qaita qaraýǵa týra keledi», - dedi ol.
