Foto:Adrien Vautier
AQSh Ýkrainaǵa Reseidiń ishki aimaqtaryna ATACMS soqqylaryn jasaýǵa shekteýdi alyp tastady. Resei prezidenti Vladimir Pýtin buǵan deiin batys elderin mundai qadamǵa barmaýǵa eskertip, bul NATO áskeri Aliansynyń Ýkrainadaǵy soǵysqa "tikelei qatysýyn" bildiredi dep málimdedi. Al Soltústik Koreia bolsa Reseige áskeri kúshtermen de, qarý-jaraqpen de belsendi qoldaý kórsetip jatyr.
AQSh prezidenti Djo Baidenniń ákimshiligi Ýkrainanyń Vashingtonnan alǵan uzaq qashyqtyqqa arnalǵan qarýymen Reseige soqqy berýge shekteýdi alyp tastady.
«Ýkraina armiiasy bul qarýdy Kýrsk oblysyndaǵy Resei Federatsiiasy men KHDR áskerilerine soqqy berý úshin qoldanýy múmkin. Ýkraina "jaqyn kúnderi" amerikandyq uzaq qashyqtyqtaǵy qarýmen alǵashqy soqqylaryn jasamaqshy», -dep jazady Reuters agenttigi.
Aita keteiik, Ýkraina bir jyldan astam ýaqyt boiy ATACMS-ty basyp alynǵan Ýkraina aýmaǵynda qoldandy. Ol Resei basyp alǵan Qyrym túbegindegi áýe bazalaryna jáne Zaporoje aimaǵyndaǵy áskeri pozitsiialarǵa soqqy berý úshin paidalandy. Biraq AQSh buǵan deiin Kievke Reseide uzaq qashyqtyqtaǵy zymyrandardy qoldanýǵa ruqsat bermegen.
ATACMS taktikalyq ballistikalyq zymyrandary 300 shaqyrymǵa deiin nysanaǵa soqqy bere alady.
«Ýkraina qarýly kúshterine ATACMS-ti qoldanýǵa ruqsat etý Reseidiń Soltústik Koreia áskeri kúshterin tartý týraly sheshimine jaýap retinde berilgen», dep túsindiredi kei bir sarapshylar. Olardyń aitýynsha, Vashington osylaisha Phenianǵa KHDR áskeri kúshteriniń osaldyǵyn bildirip, olardyń soǵysqa qatysýyna jol bermeitindigin kórsetýdi kózdeidi.
Alaida Ýkraina prezidenti Vladimir Zelenskii bul týraly áli eshqandai pikir bildirgen joq. Biraq jeksenbide ol:
«Soqqylar sózben jasalmaidy... Zymyrandar óz nátijemsin beredi», -degen bolatyn.
Degenmen Soltústik Koreia Reseige kómektesýin jalǵastyryp jatyr. «Olar Ýkrainaǵa qarsy soǵysqa 100 myńǵa deiin sarbaz jiberýi múmkin» dep jazady Bloomberg agenttigi G20 elderindegi derekkózderine súienip.
Este bolsa, maýsym aiynda Resei Federatsiiasynyń prezidenti Vladimir Pýtin men KHDR jetekshisi Kim Chen Yn tótenshe jaǵdailarda ózara áskeri qoldaýdy kózdeitin "jan-jaqty strategiialyq seriktestik týraly shartqa" qol qoidy. Ótken jazdan bastap Soltústik Koreia Resei Federatsiiasyna qarý-jaraq pen oq-dárilerdi keń kólemde jetkizip keledi.
Eske salsaq, qyrkúiek aiynda Resei Federatsiiasy basshysy Vladimir Pýtin Reseige uzaq qashyqtyqtaǵy Batys qarýlarymen soqqy berý NATO-nyń soǵysqa qatysýyn bildiretinin aitty.
«Soltústik Koreianyń Ýkrainadaǵy soǵys qimyldaryna qatysýy úshinshi eldiń qaqtyǵysqa aralasýy bolyp sanalady. Bul úlken shieleniske jáne ekijaqty qaqtyǵystyń kópjaqty qaqtyǵysqa ainalýyna ákelýi múmkin» dep qaýiptenedi nippon.com.
Aita keteiik, eki aidan keiin Aq úidiń basshysy retinde Djo Baidenniń ornyna Donald Tramp keledi. Respýblikashyl saiasatker Kievke AQSh-tyń qarjylyq jáne áskeri kómeginiń aýqymyn birneshe ret synǵa alǵan bolatyn jáne Ýkrainadaǵy soǵysty 24 saǵat ishinde aiaqtaýǵa ýáde berdi, biraq ol soǵysty qalai toqtatatynyn túsindirmedi.
Tramp AQSh-tyń Ýkrainaǵa Reseidiń ishki aimaqtaryna ATACMS soqqylaryn jasaýǵa shekteýdi alyp tastaýyna bailanysty áli eshqandai pikir bildirgen joq. Biraq onyń keibir jaqyn odaqtastary muny synǵa alyp jatyr.
Bolashaq AQSh prezidenti Tramptyń uly kishi Donald Tramp áleýmettik jelide bylai deidi:
«Meniń ákem beibitshilik ornatyp, ómirdi saqtaýǵa múmkindik alǵanǵa deiin áskeri-ónerkásiptik keshen úshinshi dúniejúzilik soǵysty bastaitynyna senimdi bolǵysy keletin siiaqty», -dep jazady kishi Donald Tramp.
Al Polsha Amerika Qurama Shtattarynyń sheshimin quptap otyrǵan syńaily. Poliak Syrtqy ister ministri Radoslav Sikorskii buǵan qatysty kelesidei pikir bildiripti:
«Soltústik Koreia áskerleriniń soǵysqa kirýin jáne Reseidiń iri zymyrandyq shabýylyn eskere otyryp, prezident Baiden Pýtin túsinetin tilde jaýap berdi», -dep jazdy Radoslav Sikorskii x mikroblogtar jelisinde.
.jpg)