فوتو:Adrien Vautier
اقش ۋكرايناعا رەسەيدٸڭ ٸشكٸ ايماقتارىنا ATACMS سوققىلارىن جاساۋعا شەكتەۋدٸ الىپ تاستادى. رەسەي پرەزيدەنتٸ ۆلاديمير پۋتين بۇعان دەيٸن باتىس ەلدەرٸن مۇنداي قادامعا بارماۋعا ەسكەرتٸپ, بۇل ناتو ەسكەري اليانسىنىڭ ۋكرايناداعى سوعىسقا "تٸكەلەي قاتىسۋىن" بٸلدٸرەدٸ دەپ مەلٸمدەدٸ. ال سولتٷستٸك كورەيا بولسا رەسەيگە ەسكەري كٷشتەرمەن دە, قارۋ-جاراقپەن دە بەلسەندٸ قولداۋ كٶرسەتٸپ جاتىر.
اقش پرەزيدەنتٸ دجو بايدەننٸڭ ەكٸمشٸلٸگٸ ۋكراينانىڭ ۆاشينگتوننان العان ۇزاق قاشىقتىققا ارنالعان قارۋىمەن رەسەيگە سوققى بەرۋگە شەكتەۋدٸ الىپ تاستادى.
«ۋكراينا ارميياسى بۇل قارۋدى كۋرسك وبلىسىنداعى رەسەي فەدەراتسيياسى مەن كحدر ەسكەريلەرٸنە سوققى بەرۋ ٷشٸن قولدانۋى مٷمكٸن. ۋكراينا "جاقىن كٷندەرٸ" امەريكاندىق ۇزاق قاشىقتىقتاعى قارۋمەن العاشقى سوققىلارىن جاساماقشى», -دەپ جازادى Reuters اگەنتتٸگٸ.
ايتا كەتەيٸك, ۋكراينا بٸر جىلدان استام ۋاقىت بويى ATACMS-تى باسىپ الىنعان ۋكراينا اۋماعىندا قولداندى. ول رەسەي باسىپ العان قىرىم تٷبەگٸندەگٸ ەۋە بازالارىنا جەنە زاپوروجە ايماعىنداعى ەسكەري پوزيتسييالارعا سوققى بەرۋ ٷشٸن پايدالاندى. بٸراق اقش بۇعان دەيٸن كيەۆكە رەسەيدە ۇزاق قاشىقتىقتاعى زىمىرانداردى قولدانۋعا رۇقسات بەرمەگەن.
ATACMS تاكتيكالىق بالليستيكالىق زىمىراندارى 300 شاقىرىمعا دەيٸن نىساناعا سوققى بەرە الادى.
«ۋكراينا قارۋلى كٷشتەرٸنە ATACMS-تٸ قولدانۋعا رۇقسات ەتۋ رەسەيدٸڭ سولتٷستٸك كورەيا ەسكەري كٷشتەرٸن تارتۋ تۋرالى شەشٸمٸنە جاۋاپ رەتٸندە بەرٸلگەن», دەپ تٷسٸندٸرەدٸ كەي بٸر ساراپشىلار. ولاردىڭ ايتۋىنشا, ۆاشينگتون وسىلايشا پحەنيانعا كحدر ەسكەري كٷشتەرٸنٸڭ وسالدىعىن بٸلدٸرٸپ, ولاردىڭ سوعىسقا قاتىسۋىنا جول بەرمەيتٸندٸگٸن كٶرسەتۋدٸ كٶزدەيدٸ.
الايدا ۋكراينا پرەزيدەنتٸ ۆلاديمير زەلەنسكيي بۇل تۋرالى ەلٸ ەشقانداي پٸكٸر بٸلدٸرگەن جوق. بٸراق جەكسەنبٸدە ول:
«سوققىلار سٶزبەن جاسالمايدى... زىمىراندار ٶز نەتيجەمسٸن بەرەدٸ», -دەگەن بولاتىن.
دەگەنمەن سولتٷستٸك كورەيا رەسەيگە كٶمەكتەسۋٸن جالعاستىرىپ جاتىر. «ولار ۋكرايناعا قارسى سوعىسقا 100 مىڭعا دەيٸن سارباز جٸبەرۋٸ مٷمكٸن» دەپ جازادى Bloomberg اگەنتتٸگٸ G20 ەلدەرٸندەگٸ دەرەككٶزدەرٸنە سٷيەنٸپ.
ەستە بولسا, ماۋسىم ايىندا رەسەي فەدەراتسيياسىنىڭ پرەزيدەنتٸ ۆلاديمير پۋتين مەن كحدر جەتەكشٸسٸ كيم چەن ىن تٶتەنشە جاعدايلاردا ٶزارا ەسكەري قولداۋدى كٶزدەيتٸن "جان-جاقتى ستراتەگييالىق سەرٸكتەستٸك تۋرالى شارتقا" قول قويدى. ٶتكەن جازدان باستاپ سولتٷستٸك كورەيا رەسەي فەدەراتسيياسىنا قارۋ-جاراق پەن وق-دەرٸلەردٸ كەڭ كٶلەمدە جەتكٸزٸپ كەلەدٸ.
ەسكە سالساق, قىركٷيەك ايىندا رەسەي فەدەراتسيياسى باسشىسى ۆلاديمير پۋتين رەسەيگە ۇزاق قاشىقتىقتاعى باتىس قارۋلارىمەن سوققى بەرۋ ناتو-نىڭ سوعىسقا قاتىسۋىن بٸلدٸرەتٸنٸن ايتتى.
«سولتٷستٸك كورەيانىڭ ۋكرايناداعى سوعىس قيمىلدارىنا قاتىسۋى ٷشٸنشٸ ەلدٸڭ قاقتىعىسقا ارالاسۋى بولىپ سانالادى. بۇل ٷلكەن شيەلەنٸسكە جەنە ەكٸجاقتى قاقتىعىستىڭ كٶپجاقتى قاقتىعىسقا اينالۋىنا ەكەلۋٸ مٷمكٸن» دەپ قاۋٸپتەنەدٸ nippon.com.
ايتا كەتەيٸك, ەكٸ ايدان كەيٸن اق ٷيدٸڭ باسشىسى رەتٸندە دجو بايدەننٸڭ ورنىنا دونالد ترامپ كەلەدٸ. رەسپۋبليكاشىل ساياساتكەر كيەۆكە اقش-تىڭ قارجىلىق جەنە ەسكەري كٶمەگٸنٸڭ اۋقىمىن بٸرنەشە رەت سىنعا العان بولاتىن جەنە ۋكرايناداعى سوعىستى 24 ساعات ٸشٸندە اياقتاۋعا ۋەدە بەردٸ, بٸراق ول سوعىستى قالاي توقتاتاتىنىن تٷسٸندٸرمەدٸ.
ترامپ اقش-تىڭ ۋكرايناعا رەسەيدٸڭ ٸشكٸ ايماقتارىنا ATACMS سوققىلارىن جاساۋعا شەكتەۋدٸ الىپ تاستاۋىنا بايلانىستى ەلٸ ەشقانداي پٸكٸر بٸلدٸرگەن جوق. بٸراق ونىڭ كەيبٸر جاقىن وداقتاستارى مۇنى سىنعا الىپ جاتىر.
بولاشاق اقش پرەزيدەنتٸ ترامپتىڭ ۇلى كٸشٸ دونالد ترامپ ەلەۋمەتتٸك جەلٸدە بىلاي دەيدٸ:
«مەنٸڭ ەكەم بەيبٸتشٸلٸك ورناتىپ, ٶمٸردٸ ساقتاۋعا مٷمكٸندٸك العانعا دەيٸن ەسكەري-ٶنەركەسٸپتٸك كەشەن ٷشٸنشٸ دٷنيەجٷزٸلٸك سوعىستى باستايتىنىنا سەنٸمدٸ بولعىسى كەلەتٸن سيياقتى», -دەپ جازادى كٸشٸ دونالد ترامپ.
ال پولشا امەريكا قۇراما شتاتتارىنىڭ شەشٸمٸن قۇپتاپ وتىرعان سىڭايلى. پولياك سىرتقى ٸستەر مينيسترٸ رادوسلاۆ سيكورسكيي بۇعان قاتىستى كەلەسٸدەي پٸكٸر بٸلدٸرٸپتٸ:
«سولتٷستٸك كورەيا ەسكەرلەرٸنٸڭ سوعىسقا كٸرۋٸن جەنە رەسەيدٸڭ ٸرٸ زىمىراندىق شابۋىلىن ەسكەرە وتىرىپ, پرەزيدەنت بايدەن پۋتين تٷسٸنەتٸن تٸلدە جاۋاپ بەردٸ», -دەپ جازدى رادوسلاۆ سيكورسكيي x ميكروبلوگتار جەلٸسٸندە.
.jpg)