Búgin AQSh Prezidenti Donald Tramp Iraktaǵy amerikalyq áskeri bazalardyń atqylanýyna bailanysty halyqqa úndeý joldady, dep habarlaidy "Ult aqparat".
Donald Tramp óziniń 9 minýttyq joldaýynda raketa shabýylynan AQSh áskerileri zardap shekpegenin atap ótti. Sondai-aq, ol Tegerandy "halyqaralyq terrorizmdi qoldap otyr" dep aiyptap, "Iranǵa salynatyn sanktsiia kúsheietinin" málimdedi. Tramp óz sózinde "qoly qanǵa malynǵan Súleimanidiń qazasy – álemdegi basqa da terroristerge eskertý" dedi.
Tegeran iadrolyq ambitsiialarynan bas tartyp, terrorizmge qoldaý jasaǵandy doǵarýy tiis, dep eskertti AQSh kóshbasshysy.
Tramp "Iran endi raiynan qaitar" dep, Vashingtonnyń Tegerannyń shabýylyna qarymta qaitarmaitynyn meńzedi. Biraq NATO múshelerin Taiaý Shyǵystaǵy jaǵdaiǵa belsendi túrde aralasýǵa shaqyrdy.
Buǵan qosa, ol "men lider bolyp turǵanda Iran eshqashan iadrolyq qarýyn qoldanbaidy" dedi.
«Iran halqy men basshylyǵyna mynany aitqym keledi: Biz sizderdiń bolashaǵyńyz jarqyn bolǵanyn qalaimyz. Sizder oǵan laiyqsyzdar. Memleket órkendep, álem elderimen úilesimdi dostyq qarym-qatynasta bolsa deimiz. Amerika Qurama Shtattary beibitshilikke umtylǵan árbir elmen tatý bolǵysy keledi», - dep qorytyndylady sózin D. Tramp.
Donald Tramp sóziniń sońynda Irandy «ortaq maqsattar jolynda» yntymaqtasyp, DAISh terroristik uiymyna qarsy birge kúresýge shaqyrdy. Onyń sózinshe, Iranmen jańa iadrolyq kelisim jasaý kerek. AQSh Prezidenti "Ulybritaniia, Qytai, Germaniia jáne Reseidi Iran iadrolyq kelisiminen bas tartyp, barlyq tarap qaita jańa kelissóz bastaý keregin" aitty.
Eske sala keteiik, búgin Iran AQSh-tyń Iraktaǵy eki áskeri bazasyn zymyranmen atqylaǵan bolatyn.
Tegerannyń Iraktaǵy AQSh bazasyna shabýylynan keiin qazaqstandyq Air Astana, frantsiialyq Air France, germaniialyq Lufthansa jáne amerikalyq ushaqtar Iran men Irak tóbesinen ushpaitynyn málimdedi. Air Astana Almaty men Nur-Sultannan Dýbaiǵa jáne Abý-Dabige ushatyn ushaqtarynyń Iran men Irakty ainalyp ótetinin, soǵan bailanysty ushý ýaqyty uzaratynyn habarlady.
