بٷگٸن اقش پرەزيدەنتٸ دونالد ترامپ يراكتاعى امەريكالىق ەسكەري بازالاردىڭ اتقىلانۋىنا بايلانىستى حالىققا ٷندەۋ جولدادى, دەپ حابارلايدى "ۇلت اقپارات".
دونالد ترامپ ٶزٸنٸڭ 9 مينۋتتىق جولداۋىندا راكەتا شابۋىلىنان اقش ەسكەريلەرٸ زارداپ شەكپەگەنٸن اتاپ ٶتتٸ. سونداي-اق, ول تەگەراندى "حالىقارالىق تەرروريزمدٸ قولداپ وتىر" دەپ ايىپتاپ, "يرانعا سالىناتىن سانكتسييا كٷشەيەتٸنٸن" مەلٸمدەدٸ. ترامپ ٶز سٶزٸندە "قولى قانعا مالىنعان سٷلەيمانيدٸڭ قازاسى – ەلەمدەگٸ باسقا دا تەرروريستەرگە ەسكەرتۋ" دەدٸ.
تەگەران يادرولىق امبيتسييالارىنان باس تارتىپ, تەرروريزمگە قولداۋ جاساعاندى دوعارۋى تيٸس, دەپ ەسكەرتتٸ اقش كٶشباسشىسى.
ترامپ "يران ەندٸ رايىنان قايتار" دەپ, ۆاشينگتوننىڭ تەگەراننىڭ شابۋىلىنا قارىمتا قايتارمايتىنىن مەڭزەدٸ. بٸراق ناتو مٷشەلەرٸن تاياۋ شىعىستاعى جاعدايعا بەلسەندٸ تٷردە ارالاسۋعا شاقىردى.
بۇعان قوسا, ول "مەن ليدەر بولىپ تۇرعاندا يران ەشقاشان يادرولىق قارۋىن قولدانبايدى" دەدٸ.
«يران حالقى مەن باسشىلىعىنا مىنانى ايتقىم كەلەدٸ: بٸز سٸزدەردٸڭ بولاشاعىڭىز جارقىن بولعانىن قالايمىز. سٸزدەر وعان لايىقسىزدار. مەملەكەت ٶركەندەپ, ەلەم ەلدەرٸمەن ٷيلەسٸمدٸ دوستىق قارىم-قاتىناستا بولسا دەيمٸز. امەريكا قۇراما شتاتتارى بەيبٸتشٸلٸككە ۇمتىلعان ەربٸر ەلمەن تاتۋ بولعىسى كەلەدٸ», - دەپ قورىتىندىلادى سٶزٸن د. ترامپ.
دونالد ترامپ سٶزٸنٸڭ سوڭىندا يراندى «ورتاق ماقساتتار جولىندا» ىنتىماقتاسىپ, دايش تەرروريستٸك ۇيىمىنا قارسى بٸرگە كٷرەسۋگە شاقىردى. ونىڭ سٶزٸنشە, يرانمەن جاڭا يادرولىق كەلٸسٸم جاساۋ كەرەك. اقش پرەزيدەنتٸ "ۇلىبريتانييا, قىتاي, گەرمانييا جەنە رەسەيدٸ يران يادرولىق كەلٸسٸمٸنەن باس تارتىپ, بارلىق تاراپ قايتا جاڭا كەلٸسسٶز باستاۋ كەرەگٸن" ايتتى.
ەسكە سالا كەتەيٸك, بٷگٸن يران اقش-تىڭ يراكتاعى ەكٸ ەسكەري بازاسىن زىمىرانمەن اتقىلاعان بولاتىن.
تەگەراننىڭ يراكتاعى اقش بازاسىنا شابۋىلىنان كەيٸن قازاقستاندىق Air Astana, فرانتسييالىق Air France, گەرمانييالىق Lufthansa جەنە امەريكالىق ۇشاقتار يران مەن يراك تٶبەسٸنەن ۇشپايتىنىن مەلٸمدەدٸ. Air Astana الماتى مەن نۇر-سۇلتاننان دۋبايعا جەنە ابۋ-دابيگە ۇشاتىن ۇشاقتارىنىڭ يران مەن يراكتى اينالىپ ٶتەتٸنٸن, سوعان بايلانىستى ۇشۋ ۋاقىتى ۇزاراتىنىن حابارلادى.
