AQSh-tyń batysyn sharpyǵan orman órti qurbandarynyń sany 23 adamǵa jetti. Bul týraly beisenbi kúni keshke USA Today gazeti jariialady, dep habarlaidy "Ult aqparat".
Basylymnyń habarlaýynsha, órt AQSh-tyń batysyndaǵy 12-den astam shtatty sharpyǵan. Kaliforniiada 19, Oregonda 3 jáne Vashington shtatynda 1 adam kóz jumǵan.
«Buryn-sońdy bolmaǵan qolaisyz aýa-raiy Kaliforniiada, Oregonda, Vashingtonda jáne ózge de shtattardaǵy orman órtiniń tótenshe jaǵdaiyna ákeldi», - dep habarlaidy Aidaho shtatynda ornalasqan Ulttyq vedomstvoaralyq órt ortalyǵy.
Beisenbi kúni Oregon biligi órt saldarynan shtattyń 500 myńnan astam turǵyny evakýatsiialanǵanyn málim etti.
Ulttyq vedomstvoaralyq órt sóndirý ortalyǵynyń qyzmetkerleri eldiń batysyndaǵy órt saldarynan 3,4 million akr (1,375 million gektar) jer órtenip ketkenin habarlady.
