foto: Májilis baspasóz qyzmetinen
Búgin, Májiliste MÁMS júiesin jetildirý týraly úkimet saǵaty ótti, dep habarlaidy Ult.kz.
Úkimet saǵatynda depýtat Ashat Aimaǵambetov MÁMS júiesindegi birqatar máselege toqtalyp, júieniń jumysyna shúilikti. Onyń aitýynsha:
“Ózende júzip kele jatqan qaiyqty elestetip kórińizder. Qaiyqtyń túbi tesilip, ishine sý tolyp jatyr. Ishke kirgen sý toqtaityn emes. Qaiyqshy ony jamaýdyń ornyna, shelekti alyp sýdy syrtqa tógýmen ǵana álek. Biraq sý toqtamaidy, qaiyq bata beredi, óitkeni bul áreket nátije bermeidi.
Mine, dál osyndai jaǵdai qazir MÁMS júiesinde oryn alyp otyr. Máseleniń negizgi sebebin joiýdyń ornyna, tek onyń saldarymen ǵana kúresýde. Júieli reformalar ornyna – ýaqytsha sharalar”.
Odan bólek, Aimaǵambetov: strategiialyq kózqaras jetispeidi. MÁMS-tiń qazirgi modeli meditsinany halyqqa qoljetimsiz etip, shyǵyndy kóbeitip, qarajattyń tiimsiz jumsalýyna ákelip otyr dedi.
Depýtat, úsh mysal keltirdi:
- MÁMS boiynsha 5 ailyq balanyń tisin qanqurttan emdegen eken. 5 aiynda áli tisi shyqpaǵan balada qandai qanqurt bolýy múmkin?
- Budan da soraqy jaǵdai: basqa bir adamnyń 82 tisi emdelgen eken jáne soǵan qarajat tólesin dep klinika Qordan aqsha suraǵan.
- Taǵy bir keiis – bir kúnde bir adamǵa bir aýrýhana 32 qyzmet kórsettik dep esep toltyrǵan.
Ashat Aimaǵambetovtiń aitýynsha mundai mysaldar óte kóp. Óitkeni:
“MÁMS boiynsha engizilgen qarjylandyrý júiesiniń ózi artyq qyzmet kórsetý men «qosyp jazýǵa» itermeleidi, sebebi qarajat ár emdelgen jaǵdai úshin emes, ár qyzmet úshin tólenedi. Normativter joq, tsifrlandyrý joq, al klinikalyq hattamalar men standarttar anyq emes”,-dedi ol
Buryn osteohondrozdy rentgensiz de anyqtaityn. Keiin rentgen qoldanyla bastaldy. Buǵan depýtat:
“Durys. Al endi qazir osteohondrozdy anyqtaý úshin bir naýqasqa rentgen, odan keiin KT, sosyn MRT jáne basqa da qosymsha tekserýler taǵaiyndalady. Bunyń bári aqsha tabýdyń «zańdy» joly”,-dedi depýtat.
Nege jáne ne isteý kerek degen suraqqa depýtat Ashat Aimaǵambetov:
“Qazirgi tarif meditsinalyq uiymdardyń, ásirese statsionarlardyń naqty shyǵyndaryn ótemeidi. Olar tek jalaqy tóleýge jáne shuǵyl qajettilikterdi qamtamasyz etýge áreń jetedi. Meditsinalyq uiymdar «shyqpa, janym, shyqpanyń» kúiin keship otyr. Kommýnaldyq qyzmetterdi tóleý shyǵyndaryn tarif aiasynan alyp tastaý týraly aitylǵanymen, bul másele áli kúnge deiin sheshilgen joq”,- deidi.
Ashat Aimaǵambetovtiń aitýynsha MÁMS tegi máseleni sheshýdiń joldary mynadai:
- Meditsinalyq qyzmetter kólemin josparlaý ádistemesin ázirlep, tutyný normativterin bekitý.
- Kommýnaldyq qyzmetter shyǵynyn tarifterden bólek qarastyryp, jańa tariftik ádistemeni bekitý.
- Meditsinalyq qyzmetterdi qosalqy merdigerge berý úshin naqty kriteriiler men talaptardy belgileý, qyzmet kóleminiń shekti deńgeii men túrlerin anyqtaý.
- Litsenziia berý rásimin qaita qarap, bes jyl saiyn memlekettik attestatsiia túrinde postlitsenziialyq baqylaý engizý.
- Kepildendirilgen kólemdi tóleý mólsherin qaita qaraý: eń tómengi turaqty shyǵyndardy saqtai otyryp, qalǵan bóligin densaýlyq pen sapa kórsetkishterine bailanystyrý. Bul kórsetkishter oryndalmaǵan jaǵdaida regressivti shkala qarastyrý.
- Memlekettik tapsyrysty bólýde sapanyń naqty indikatorlaryn belgileý. Ol indikatorlar buzylǵan jaǵdaida tek kólemdi azaityp qana qoimai, kelisimshartty buzý, qyzmetti toqtatý jáne qajet bolǵanda litsenziiany keri qaitarý.
