فوتو: مەجٸلٸس باسپاسٶز قىزمەتٸنەن
بٷگٸن, مەجٸلٸستە مەمس جٷيەسٸن جەتٸلدٸرۋ تۋرالى ٷكٸمەت ساعاتى ٶتتٸ, دەپ حابارلايدى Ult.kz.
ٷكٸمەت ساعاتىندا دەپۋتات اسحات ايماعامبەتوۆ مەمس جٷيەسٸندەگٸ بٸرقاتار مەسەلەگە توقتالىپ, جٷيەنٸڭ جۇمىسىنا شٷيلٸكتٸ. ونىڭ ايتۋىنشا:
“ٶزەندە جٷزٸپ كەلە جاتقان قايىقتى ەلەستەتٸپ كٶرٸڭٸزدەر. قايىقتىڭ تٷبٸ تەسٸلٸپ, ٸشٸنە سۋ تولىپ جاتىر. ٸشكە كٸرگەن سۋ توقتايتىن ەمەس. قايىقشى ونى جاماۋدىڭ ورنىنا, شەلەكتٸ الىپ سۋدى سىرتقا تٶگۋمەن عانا ەلەك. بٸراق سۋ توقتامايدى, قايىق باتا بەرەدٸ, ٶيتكەنٸ بۇل ەرەكەت نەتيجە بەرمەيدٸ.
مٸنە, دەل وسىنداي جاعداي قازٸر مەمس جٷيەسٸندە ورىن الىپ وتىر. مەسەلەنٸڭ نەگٸزگٸ سەبەبٸن جويۋدىڭ ورنىنا, تەك ونىڭ سالدارىمەن عانا كٷرەسۋدە. جٷيەلٸ رەفورمالار ورنىنا – ۋاقىتشا شارالار”.
ودان بٶلەك, ايماعامبەتوۆ: ستراتەگييالىق كٶزقاراس جەتٸسپەيدٸ. مەمس-تٸڭ قازٸرگٸ مودەلٸ مەديتسينانى حالىققا قولجەتٸمسٸز ەتٸپ, شىعىندى كٶبەيتٸپ, قاراجاتتىڭ تيٸمسٸز جۇمسالۋىنا ەكەلٸپ وتىر دەدٸ.
دەپۋتات, ٷش مىسال كەلتٸردٸ:
- مەمس بويىنشا 5 ايلىق بالانىڭ تٸسٸن قانقۇرتتان ەمدەگەن ەكەن. 5 ايىندا ەلٸ تٸسٸ شىقپاعان بالادا قانداي قانقۇرت بولۋى مٷمكٸن?
- بۇدان دا سوراقى جاعداي: باسقا بٸر ادامنىڭ 82 تٸسٸ ەمدەلگەن ەكەن جەنە سوعان قاراجات تٶلەسٸن دەپ كلينيكا قوردان اقشا سۇراعان.
- تاعى بٸر كەيٸس – بٸر كٷندە بٸر ادامعا بٸر اۋرۋحانا 32 قىزمەت كٶرسەتتٸك دەپ ەسەپ تولتىرعان.
اسحات ايماعامبەتوۆتٸڭ ايتۋىنشا مۇنداي مىسالدار ٶتە كٶپ. ٶيتكەنٸ:
“مەمس بويىنشا ەنگٸزٸلگەن قارجىلاندىرۋ جٷيەسٸنٸڭ ٶزٸ ارتىق قىزمەت كٶرسەتۋ مەن «قوسىپ جازۋعا» يتەرمەلەيدٸ, سەبەبٸ قاراجات ەر ەمدەلگەن جاعداي ٷشٸن ەمەس, ەر قىزمەت ٷشٸن تٶلەنەدٸ. نورماتيۆتەر جوق, تسيفرلاندىرۋ جوق, ال كلينيكالىق حاتتامالار مەن ستاندارتتار انىق ەمەس”,-دەدٸ ول
بۇرىن وستەوحوندروزدى رەنتگەنسٸز دە انىقتايتىن. كەيٸن رەنتگەن قولدانىلا باستالدى. بۇعان دەپۋتات:
“دۇرىس. ال ەندٸ قازٸر وستەوحوندروزدى انىقتاۋ ٷشٸن بٸر ناۋقاسقا رەنتگەن, ودان كەيٸن كت, سوسىن مرت جەنە باسقا دا قوسىمشا تەكسەرۋلەر تاعايىندالادى. بۇنىڭ بەرٸ اقشا تابۋدىڭ «زاڭدى» جولى”,-دەدٸ دەپۋتات.
نەگە جەنە نە ٸستەۋ كەرەك دەگەن سۇراققا دەپۋتات اسحات ايماعامبەتوۆ:
“قازٸرگٸ تاريف مەديتسينالىق ۇيىمداردىڭ, ەسٸرەسە ستاتسيونارلاردىڭ ناقتى شىعىندارىن ٶتەمەيدٸ. ولار تەك جالاقى تٶلەۋگە جەنە شۇعىل قاجەتتٸلٸكتەردٸ قامتاماسىز ەتۋگە ەرەڭ جەتەدٸ. مەديتسينالىق ۇيىمدار «شىقپا, جانىم, شىقپانىڭ» كٷيٸن كەشٸپ وتىر. كوممۋنالدىق قىزمەتتەردٸ تٶلەۋ شىعىندارىن تاريف اياسىنان الىپ تاستاۋ تۋرالى ايتىلعانىمەن, بۇل مەسەلە ەلٸ كٷنگە دەيٸن شەشٸلگەن جوق”,- دەيدٸ.
اسحات ايماعامبەتوۆتٸڭ ايتۋىنشا مەمس تەگٸ مەسەلەنٸ شەشۋدٸڭ جولدارى مىناداي:
- مەديتسينالىق قىزمەتتەر كٶلەمٸن جوسپارلاۋ ەدٸستەمەسٸن ەزٸرلەپ, تۇتىنۋ نورماتيۆتەرٸن بەكٸتۋ.
- كوممۋنالدىق قىزمەتتەر شىعىنىن تاريفتەردەن بٶلەك قاراستىرىپ, جاڭا تاريفتٸك ەدٸستەمەنٸ بەكٸتۋ.
- مەديتسينالىق قىزمەتتەردٸ قوسالقى مەردٸگەرگە بەرۋ ٷشٸن ناقتى كريتەرييلەر مەن تالاپتاردى بەلگٸلەۋ, قىزمەت كٶلەمٸنٸڭ شەكتٸ دەڭگەيٸ مەن تٷرلەرٸن انىقتاۋ.
- ليتسەنزييا بەرۋ رەسٸمٸن قايتا قاراپ, بەس جىل سايىن مەملەكەتتٸك اتتەستاتسييا تٷرٸندە پوستليتسەنزييالىق باقىلاۋ ەنگٸزۋ.
- كەپٸلدەندٸرٸلگەن كٶلەمدٸ تٶلەۋ مٶلشەرٸن قايتا قاراۋ: ەڭ تٶمەنگٸ تۇراقتى شىعىنداردى ساقتاي وتىرىپ, قالعان بٶلٸگٸن دەنساۋلىق پەن ساپا كٶرسەتكٸشتەرٸنە بايلانىستىرۋ. بۇل كٶرسەتكٸشتەر ورىندالماعان جاعدايدا رەگرەسسيۆتٸ شكالا قاراستىرۋ.
- مەملەكەتتٸك تاپسىرىستى بٶلۋدە ساپانىڭ ناقتى ينديكاتورلارىن بەلگٸلەۋ. ول ينديكاتورلار بۇزىلعان جاعدايدا تەك كٶلەمدٸ ازايتىپ قانا قويماي, كەلٸسٸمشارتتى بۇزۋ, قىزمەتتٸ توقتاتۋ جەنە قاجەت بولعاندا ليتسەنزييانى كەرٸ قايتارۋ.
