Jańadan prezident bolyp sailanǵan Djo Baiden inaýgýratsiiasynyń qarsańynda demonstratsiia bolady dep boljaǵan AQSh-taǵy shtat basshylary iri qalalarǵa ulttyq gvardiia jasaǵyn aldyryp, tótenshe jaǵdai jariialap jatyr.
Federaldyq tergeý biýrosy shtattar astanalardy kúsh qoldanýǵa tyrysatyndar bolýy múmkin dep eskertti. Olardyń aitýynsha, "alańdatatyn onlain chattar" kóbeigen, arasynda qarýly qaqtyǵysqa shaqyryp jatqandar da bar.
Bilik 6 qańtardaǵy oqiǵalar qaitalanbaýy úshin qam jasap jatyr. Sol kúni bilikten ketip jatqan Donald Tramp jaqtastary Baidenniń sailaýdaǵy jeńisin rastap jatqan Kongress jumysyna kedergi jasamaq bolyp, Vashingtondaǵy Kapitolii ǵimaratyna basyp kirgen.
Ondaǵan shtat gýbernatory ulttyq gvardiiaǵa aimaqta qaýipsizdikti qamtamasyz etý úshin jergilikti quqyq qorǵaý organdaryna kómek kórsetýdi suraǵan. Keibireýleri óz rezidentsiiasyn japty, ne oǵan baratyn joldarǵa tosqaýyl qoidy.
Merilenda, Niý-Meksiko jáne Iýta shtattarynyń gýbernatorlary tótenshe jaǵdai jariialandy.
Ádette kisi kóp júretin Vashington kóshelerinde qazir adam qarasy az. Kapitolii tikenek temir tartylǵan sharbaqpen qorshalǵan.
Resmi oryndardyń málimeti boiynsha, Vashingtonda qaýipsizdikti qamtamasyz etýge ulttyq gvardiianyń 20 myńǵa jýyq sarbaz jumyldyrylǵan.
Konstitýtsiiaǵa sáikes, Djo Baidenniń inaýgýratsiiasy 20 qańtarda Kapitolii ǵimaratynda ótedi. Jeńilgenin moiyndamaǵan qazirgi prezident Donald Tramp bilikti tapsyratynyn, biraq inaýgýratsiiaǵa qatyspaitynyn aitqan.
