Foto: Shutterstock/Fotodom
Tiisti jarlyqqa Donald Tramp qol qoidy, dep habarlaidy Ult.kz.
«Bul jarlyqpen áielder sportyna qarsy soǵys aiaqtaldy», – dep málimdedi AQSh prezidenti qujatqa qol qoiý aldynda, ainalasynda ondaǵan sportshy qyzdar bolǵan.
Sonymen qatar, ol 2028 jyly Los-Andjeleste ótetin Olimpiadaǵa qatysty da osyndai sheshimge qol jetkizýge tyrysatynyn aitty.
«Áielder sporty endi tek áielderge arnalǵan bolady», – dedi Tramp Aq úide qujatqa qol qoiý rásiminde.
Onyń aitýynsha, sońǵy jyldary AQSh-ta áielder arasyndaǵy jarystarǵa myńdaǵan transgender qatysqan. Prezident Parijde ótken sońǵy Olimpiadada eki boksshynyń áielder jarysyna qatysqany týraly da eske saldy. Olar biologiialyq turǵydan er adamdar degen kúdikke qaramastan, jarysqa jiberilgen.
«Sońǵy jyldary kóptegen oqý oryndary men sporttyq qaýymdastyqtar er adamdarǵa áielder sportynda jarysýǵa ruqsat berdi. Bul áielder men qyzdar úshin qorlyq, ádiletsizdik jáne qaýipti. Olardan teń múmkindikterdi tartyp alyp, qatysý jáne jetistikke jetý múmkindigin shekteidi», – delingen «Er adamdardy áielder sportyna kirgizbeý» dep atalatyn jarlyq mátininde.
«Interfaks» agenttiginiń habarlaýynsha, Tramptyń jarlyǵy Bilim berý ministrligine oqý oryndaryn eskertýge mindetteidi. Eger olardyń ákimshiligi ul bolyp týǵan oqýshylarǵa áieldermen jarysýǵa ruqsat berse, bul federaldyq zańdy, iaǵni bilim berý baǵdarlamalary aiasynda jynystyq kemsitýshilikke tyiym salýdy buzý dep sanalady. Mundai oqý oryndaryna federaldyq qarjylandyrý berilmeidi.
Sonymen qatar, Donald Tramp AQSh aýmaǵynda jarystarǵa qatysý úshin kelgen transgender sportshylarǵa viza berýden bas tartatynyn aitty.
