فوتو: Shutterstock/Fotodom
تيٸستٸ جارلىققا دونالد ترامپ قول قويدى, دەپ حابارلايدى Ult.kz.
«بۇل جارلىقپەن ەيەلدەر سپورتىنا قارسى سوعىس اياقتالدى», – دەپ مەلٸمدەدٸ اقش پرەزيدەنتٸ قۇجاتقا قول قويۋ الدىندا, اينالاسىندا ونداعان سپورتشى قىزدار بولعان.
سونىمەن قاتار, ول 2028 جىلى لوس-اندجەلەستە ٶتەتٸن وليمپياداعا قاتىستى دا وسىنداي شەشٸمگە قول جەتكٸزۋگە تىرىساتىنىن ايتتى.
«ەيەلدەر سپورتى ەندٸ تەك ەيەلدەرگە ارنالعان بولادى», – دەدٸ ترامپ اق ٷيدە قۇجاتقا قول قويۋ رەسٸمٸندە.
ونىڭ ايتۋىنشا, سوڭعى جىلدارى اقش-تا ەيەلدەر اراسىنداعى جارىستارعا مىڭداعان ترانسگەندەر قاتىسقان. پرەزيدەنت پاريجدە ٶتكەن سوڭعى وليمپيادادا ەكٸ بوكسشىنىڭ ەيەلدەر جارىسىنا قاتىسقانى تۋرالى دا ەسكە سالدى. ولار بيولوگييالىق تۇرعىدان ەر ادامدار دەگەن كٷدٸككە قاراماستان, جارىسقا جٸبەرٸلگەن.
«سوڭعى جىلدارى كٶپتەگەن وقۋ ورىندارى مەن سپورتتىق قاۋىمداستىقتار ەر ادامدارعا ەيەلدەر سپورتىندا جارىسۋعا رۇقسات بەردٸ. بۇل ەيەلدەر مەن قىزدار ٷشٸن قورلىق, ەدٸلەتسٸزدٸك جەنە قاۋٸپتٸ. ولاردان تەڭ مٷمكٸندٸكتەردٸ تارتىپ الىپ, قاتىسۋ جەنە جەتٸستٸككە جەتۋ مٷمكٸندٸگٸن شەكتەيدٸ», – دەلٸنگەن «ەر ادامداردى ەيەلدەر سپورتىنا كٸرگٸزبەۋ» دەپ اتالاتىن جارلىق مەتٸنٸندە.
«ينتەرفاكس» اگەنتتٸگٸنٸڭ حابارلاۋىنشا, ترامپتىڭ جارلىعى بٸلٸم بەرۋ مينيسترلٸگٸنە وقۋ ورىندارىن ەسكەرتۋگە مٸندەتتەيدٸ. ەگەر ولاردىڭ ەكٸمشٸلٸگٸ ۇل بولىپ تۋعان وقۋشىلارعا ەيەلدەرمەن جارىسۋعا رۇقسات بەرسە, بۇل فەدەرالدىق زاڭدى, ياعني بٸلٸم بەرۋ باعدارلامالارى اياسىندا جىنىستىق كەمسٸتۋشٸلٸككە تىيىم سالۋدى بۇزۋ دەپ سانالادى. مۇنداي وقۋ ورىندارىنا فەدەرالدىق قارجىلاندىرۋ بەرٸلمەيدٸ.
سونىمەن قاتار, دونالد ترامپ اقش اۋماعىندا جارىستارعا قاتىسۋ ٷشٸن كەلگەن ترانسگەندەر سپورتشىلارعا ۆيزا بەرۋدەن باس تارتاتىنىن ايتتى.
