San-Frantsisko qalasynyń soty AQSh prezidenti Donald Tramptyń sheteldik bilikti mamandarǵa jumysshy vizasyn berýge tyiym salatyn jarlyǵyn jartylai buǵattady.
Maýsym aiynda, koronavirýs indeti ýshyqqan tusta Tramp elde jumyssyzdyqtyń ýshyqqanyn, mundai jaǵdaida sheteldik jumysshylardyń eńbek naryǵyna qaýip tóndiretinin aityp, olarǵa viza berýdi jyldyń sońyna deiin tyiatyn jarlyq shyǵardy.
Ónerkásipshilerdiń ulttyq assotsiatsiiasy, AQSh saýda palatasy, Bólshek saýda ulttyq federatsiiasy jáne TechNet uiymy Tramptyń jarlyǵyna shaǵymdanyp, aryz jazdy. Sot talapkerdiń shaǵymymen kelisip, Tramp quzyretin asyra paidalandy dedi. Sýdianyń sózinshe, prezidenttiń kongres qabyldaǵan immigratsiialyq zańdardyń kúshin joiýǵa quqyǵy joq.
