سان-فرانتسيسكو قالاسىنىڭ سوتى اقش پرەزيدەنتٸ دونالد ترامپتىڭ شەتەلدٸك بٸلٸكتٸ ماماندارعا جۇمىسشى ۆيزاسىن بەرۋگە تىيىم سالاتىن جارلىعىن جارتىلاي بۇعاتتادى.
ماۋسىم ايىندا, كوروناۆيرۋس ٸندەتٸ ۋشىققان تۇستا ترامپ ەلدە جۇمىسسىزدىقتىڭ ۋشىققانىن, مۇنداي جاعدايدا شەتەلدٸك جۇمىسشىلاردىڭ ەڭبەك نارىعىنا قاۋٸپ تٶندٸرەتٸنٸن ايتىپ, ولارعا ۆيزا بەرۋدٸ جىلدىڭ سوڭىنا دەيٸن تىياتىن جارلىق شىعاردى.
ٶنەركەسٸپشٸلەردٸڭ ۇلتتىق اسسوتسياتسيياسى, اقش ساۋدا پالاتاسى, بٶلشەك ساۋدا ۇلتتىق فەدەراتسيياسى جەنە TechNet ۇيىمى ترامپتىڭ جارلىعىنا شاعىمدانىپ, ارىز جازدى. سوت تالاپكەردٸڭ شاعىمىمەن كەلٸسٸپ, ترامپ قۇزىرەتٸن اسىرا پايدالاندى دەدٸ. سۋديانىڭ سٶزٸنشە, پرەزيدەنتتٸڭ كونگرەس قابىلداعان يمميگراتسييالىق زاڭداردىڭ كٷشٸن جويۋعا قۇقىعى جوق.
