Dúisenbi kúni AQSh-tyń Florida shtatyndaǵy Ýest-Palm-Bich qalasyna meteorit qulady, dep habarlaidy "Ult aqparat" USA Today-ǵa silteme jasap.
Amerikanyń American Meteor Society meteor qoǵamynyń operatsiialyq menedjeri Maik Henki onyń Jer atmosferasyna kirgennen keiin jalyndaǵan bolid ekenin baiandady.
«Bul – jarqyn sáýle men jarylys dybysyn týyndatatyn meteorittiń erekshe túri», - dedi ol.
Henki aspan denesiniń qulaý jyldamdyǵy men sipattamalaryna negizdelip, onyń asteroidtiń bir bóligi ekenin shamalap otyr.
«Alaida bul meteorit 2021 GW4 asteroidiniń bir bóligi me, joq pa, belgisiz bolyp qalyp otyr», - dedi ol.
Gianluca Masi of VirtualTelescope.eu málimetinshe, 2021 GW4 asteroidi dúisenbi kúni tańerteń Jerden óte jaqyn qashyqtyq – 12430 mil jerde qulaǵan. Asteroidti 8 sáýir kúni Arizona shtatynyń Lemmon qalasynda ornalasqan Catalina Sky Survey teleskopy anyqtady.
Sondai-aq, 16-25 sáýir kúnderi aralyǵynda Lirida juldyz aǵatyn mezgil ótetini habarlanyp otyr. EarthSky.org málimetinshe, onyń údemeli kezi, iaǵni 10-15 meteorittiń qulaýy 22 sáýirdiń tańyna qarai boljanyp otyr.
