Amerikada qazaqstandyq tirkeý nómirimen júrgen Toyota Mega Cruiser aýktsion arqyly satyldy. 1996 jylǵy jol talǵamaityn kólik jańa Lexus LX-ten úsh jarym esege qymbat bolyp shyqty, dep habarlaidy Sputnik Qazaqstan Motor.ru saityna silteme jasap.
Sirek kezdesetin kólik Astanada tirkelgen. Memlekettik tirkeý nómirinde "01" seriiasy jazylǵan. Spidometrde 91 myń shaqyrymdy kórsetip tur. Aýktsionǵa qatysqan satyp alýshy ol úshin 310 myń dollardy (148 millionnan astam teńge) sanap berdi.
Toyota Mega Cruiser – japon armiiasy men arnaiy qyzmetteri úshin jasalǵan úlken jol talǵamaityn kólik. Ony 1995-2001 jyldary ishki naryqqa shyǵarǵan. Sol kezde 150 danasy ǵana jeke tulǵalarǵa satyldy. Al Qazaqstannan jetkizilgen kólik sán-saltanatymen jabdyqtalǵan úlgilerge jatady.
Kóliktiń róli sol jaǵynda ornalasqan. Salonda teledidar, tońazytqysh, aýdiojúie, statsionarlyq telefon, oryndyqty jylytý, al júksalǵyshta bir adam jata alatyn oryn bar. Keibir jerleri aǵashpen kómkerilgen. Oryndyqtar bylǵarymen qaptalǵan.
Kóliktiń uzyndyǵy – 5,1 metr. Salmaǵy – 2,9 tonna. Al qozǵaltqyshtyń kólemi – 4,1 litr, týrbodizel.
