امەريكادا قازاقستاندىق تٸركەۋ نٶمٸرٸمەن جٷرگەن Toyota Mega Cruiser اۋكتسيون ارقىلى ساتىلدى. 1996 جىلعى جول تالعامايتىن كٶلٸك جاڭا Lexus LX-تەن ٷش جارىم ەسەگە قىمبات بولىپ شىقتى, دەپ حابارلايدى Sputnik قازاقستان Motor.ru سايتىنا سٸلتەمە جاساپ.
سيرەك كەزدەسەتٸن كٶلٸك استانادا تٸركەلگەن. مەملەكەتتٸك تٸركەۋ نٶمٸرٸندە "01" سەريياسى جازىلعان. سپيدومەتردە 91 مىڭ شاقىرىمدى كٶرسەتٸپ تۇر. اۋكتسيونعا قاتىسقان ساتىپ الۋشى ول ٷشٸن 310 مىڭ دوللاردى (148 ميلليوننان استام تەڭگە) ساناپ بەردٸ.
Toyota Mega Cruiser – جاپون ارميياسى مەن ارنايى قىزمەتتەرٸ ٷشٸن جاسالعان ٷلكەن جول تالعامايتىن كٶلٸك. ونى 1995-2001 جىلدارى ٸشكٸ نارىققا شىعارعان. سول كەزدە 150 داناسى عانا جەكە تۇلعالارعا ساتىلدى. ال قازاقستاننان جەتكٸزٸلگەن كٶلٸك سەن-سالتاناتىمەن جابدىقتالعان ٷلگٸلەرگە جاتادى.
كٶلٸكتٸڭ رٶلٸ سول جاعىندا ورنالاسقان. سالوندا تەلەديدار, توڭازىتقىش, اۋديوجٷيە, ستاتسيونارلىق تەلەفون, ورىندىقتى جىلىتۋ, ال جٷكسالعىشتا بٸر ادام جاتا الاتىن ورىن بار. كەيبٸر جەرلەرٸ اعاشپەن كٶمكەرٸلگەن. ورىندىقتار بىلعارىمەن قاپتالعان.
كٶلٸكتٸڭ ۇزىندىعى – 5,1 مەتر. سالماعى – 2,9 توننا. ال قوزعالتقىشتىڭ كٶلەمٸ – 4,1 ليتر, تۋربوديزەل.
