AQSh-tyń Los-Andjeles qalasynda Ilon Maskty Tailandtaǵy úńgirde sý astynda qalǵan balalardy qutqarǵan ulybritaniialyq daiver Vernon Ansýortqa jala japty degen kúdikpen sottap jatyr. Kásipker ony pedofil dep ataǵan edi, - dep habarlaidy RIA Novosti.
Sotta Ilon Mask óz sózinde ony pedofil dep aiyptamaǵanyn jetkizdi. SpaceX basshysynyń advokaty Aleks Spairo bul jerde "naqty bir derek týraly emes, tek til tigizý" ekenin túsindirdi. Óz kezeginde, ekinshi tarap Masktyń tanymal adam ekenin alǵa tartyp, onyń sózderi el arasynda aitarlyqtai salmaǵy baryn málimdedi.
Sot otyrysy 4 jeltoqsanda ótedi, onda Mask jaýap beretin bolady.
Vernon Ansýort 2018 jyly maýsymda Tailandta 12 bala men jattyqtyrýshyny qutqarý operatsiiasyna qatysqan. Ol balalardyń qaida ekenin taýyp, komanda jasaqtap, qutqarǵan. Mask jáne SpaceX kompaniiasy Tailandqa daiverlerge kómek retinde ózderiniń jasaǵan kishigirim sýasty qaiyǵyn jibergen. Ansýort suhbat berý kezinde qurylǵyny qoldaný múmkin emestigin aityp, bul Masktyń PR-triýgi ekenin jáne "sýasty kemesin bir jerine tyǵyp qoiýyn" aitqan bolatyn.
Osydan keiin Mask birneshe ret daiverdi pedofil jáne balalar zorlyqshysy dep ataǵan. Jýrnalisterge jibergen hatynda ol Ansýorttyń Tailandta kámeletke tolmaǵan qyzǵa úilený úshin ádeii qalǵanyn aitqan. Mask synǵa qalyp, Twitter-de jazǵan jazbalalaryn óshirip tastap, emotsiiaǵa berilgenin aitqan. Alaida Ansýort ony sotqa berip, ózi týraly aitylǵan sózderdi joqqa shyǵarýyn talap etip, moraldyq shyǵyn retinde 75 myń dollar suraǵan.
