AQSh-tyń aýrýdy baqylaý jáne aldyn alý ortalyǵynyń málimetinshe sońǵy 24 saǵatta koronavirýsqa qarsy vaktsinanyń 4 millionnan astam dozasy salyndy. Bul rette jeti kúndegi vaktsinatsiianyń ortasha kórsetkishi kúnine 3 millionnan astam doza mólsherine jetti, dep habarlaidy CNN.
Eger adamdar maska taǵyp júrse, halyq kóp jinalatyn jerden aýlaq bolsa, vaktsinatsiia osyndai qarqynmen jalǵasatyn bolsa, AQSh-taǵy ómir tezirek burynǵy qalypqa keledi, dedi prezident Djo Baidenniń Covid-19 boiynsha bas meditsinalyq keńesshisi doktor Entoni Faýchi.
«Bul pandemiia máńgilikke sozylmaidy, óitkeni kún saiyn 4 million, 3 million adam vaktsina alady, biz jaǵdaidy baqylaýǵa jetip qaldyq. Taǵy biraz kútsek, vaktsina men vaktsinatsiia eldegi virýstyń kóbeiýin jeńedi. «Vaktsinanyń» jeńetinine kúmán joq», - dedi ol.
Ortalyqtyń málimetinshe, AQSh-ta Sovid-19-ǵa qarsy vaktsinanyń alǵashqy dozasy salynǵannan beri shamamen 109 kún ótti, sodan beri 104 million adam keminde bir dozadan aldy. Olardyń 59 millionnan astamy tolyǵymen vaktsinalandy.
3 sáýirdegi jaǵdai boiynsha AQSh-ta 161 millionnan astam doza salynǵan. Juma kúninen beri salynǵan vaktsinalar sany 4 081 900 dozadan astam, jeti kúnde kúnine orta eseppen 3 072 500 doza egilgen.
AQSh-ta virýsty 30,6 millionnan astam adam juqtyrǵan, odan 554 522 adam qaitys bolǵan. Sol sebepti de sarapshylar men sheneýnikter aýrýdyń yqtimal tórtinshi tolqynyna deiin halyqty vaktsinalaýǵa asyǵýda.
