24 maýsymda AQSh-ta 34 700 adamnan koronavirýs tabyldy. Bul - sáýir aiynyń sońynan beri bir kúnde tirkelgen eń joǵary kórsetkish. Bul koronavirýs testinen ótýshilerdiń kúrt artýymen bailanysty bolǵanmen, resmi tulǵalar jaǵdaiǵa alańdap otyr. Olardyń aitýynsha, sońǵy bir aidan astam ýaqyt ishinde naýqastar sanynyń azaiýy ǵana baiqalǵan.
Tehas shtatynyń gýbernatory adamdardy úiden shyqpaýǵa shaqyryp, shtatta "jappai indet" tarap jatqanyn eskertti. Arizona shtatynyń gýbernatory adamdardy maska taǵýǵa úndedi. 24 maýsymda Kaliforniia shtatynda bir táýlik ishinde 7 myńnan astam adamnan koronavirýs tabyldy. Al Florida shtatynda bir kúnde 5,5 myń adamnan koronavirýs anyqtaldy. Bul sońǵy aptaǵy ortasha kórsetkishten 25 paiyzǵa artyq.
AQSh-ta COVID-19 aýrýynan 120 myńnan astam adam qaitys bolǵan, bul álem boiynsha koronavirýspen bailanysty adam ólimi kórsetkishiniń tórtten birin quraidy.
Latyn Amerikadaǵy eń iri el - Braziliiada da bir kúnde 42 myńnan astam adamnan koronavirýs tabyldy. 1185 adam ólimi tirkelgen.
Ulybritaniianyń densaýlyq qaýymdastyǵy elde karantin sharalaryn jumsartqan premer-ministrge úndeý joldap, indettiń ekinshi tolqyny bolýy múmkin dep dabyl qaqty.
