24 ماۋسىمدا اقش-تا 34 700 ادامنان كوروناۆيرۋس تابىلدى. بۇل - سەۋٸر ايىنىڭ سوڭىنان بەرٸ بٸر كٷندە تٸركەلگەن ەڭ جوعارى كٶرسەتكٸش. بۇل كوروناۆيرۋس تەستٸنەن ٶتۋشٸلەردٸڭ كٷرت ارتۋىمەن بايلانىستى بولعانمەن, رەسمي تۇلعالار جاعدايعا الاڭداپ وتىر. ولاردىڭ ايتۋىنشا, سوڭعى بٸر ايدان استام ۋاقىت ٸشٸندە ناۋقاستار سانىنىڭ ازايۋى عانا بايقالعان.
تەحاس شتاتىنىڭ گۋبەرناتورى ادامداردى ٷيدەن شىقپاۋعا شاقىرىپ, شتاتتا "جاپپاي ٸندەت" تاراپ جاتقانىن ەسكەرتتٸ. اريزونا شتاتىنىڭ گۋبەرناتورى ادامداردى ماسكا تاعۋعا ٷندەدٸ. 24 ماۋسىمدا كاليفورنييا شتاتىندا بٸر تەۋلٸك ٸشٸندە 7 مىڭنان استام ادامنان كوروناۆيرۋس تابىلدى. ال فلوريدا شتاتىندا بٸر كٷندە 5,5 مىڭ ادامنان كوروناۆيرۋس انىقتالدى. بۇل سوڭعى اپتاعى ورتاشا كٶرسەتكٸشتەن 25 پايىزعا ارتىق.
اقش-تا COVID-19 اۋرۋىنان 120 مىڭنان استام ادام قايتىس بولعان, بۇل ەلەم بويىنشا كوروناۆيرۋسپەن بايلانىستى ادام ٶلٸمٸ كٶرسەتكٸشٸنٸڭ تٶرتتەن بٸرٸن قۇرايدى.
لاتىن امەريكاداعى ەڭ ٸرٸ ەل - برازيلييادا دا بٸر كٷندە 42 مىڭنان استام ادامنان كوروناۆيرۋس تابىلدى. 1185 ادام ٶلٸمٸ تٸركەلگەن.
ۇلىبريتانييانىڭ دەنساۋلىق قاۋىمداستىعى ەلدە كارانتين شارالارىن جۇمسارتقان پرەمەر-مينيسترگە ٷندەۋ جولداپ, ٸندەتتٸڭ ەكٸنشٸ تولقىنى بولۋى مٷمكٸن دەپ دابىل قاقتى.
